news
عمران خان: ملک کے سب سے بڑے منی لانڈررز قوم پر مسلط کر دیے گئے
عمران خان نے الزام لگایا ہے کہ ملک کے بڑے منی لانڈررز کو قوم پر مسلط کر دیا گیا ہے۔ ہمیں بتایا گیا کہ یہ لوگ کرپٹ ہیں اور اب دھاندلی کے ذریعے ان کو ہم پر مسلط کیا گیا ہے، صرف اس لیے کہ ان کی مہارت بوٹ پالشی میں ہے۔ تفصیلات کے مطابق، بانی تحریک انصاف عمران خان نے پیر کے روز اڈیالہ جیل میں صحافیوں اور وکلاء سے گفتگو کرتے ہوئے کہا کہ “8 فروری کو ملک بھر، بشمول پنجاب، سندھ اور صوابی میں ہونے والے احتجاجی مظاہروں پر عوام کو خراج تحسین پیش کرتا ہوں۔ اس ننگی فسطائیت کے دور میں بھی عوام ہر بار میری کال پر خوف کے بت توڑ کر نکلتی ہے، جو یہ ثابت کرتا ہے کہ یہ قوم اب ہر حال میں حقیقی آزادی کی منتظر ہے۔
اردلی حکومت اندر سے خوفزدہ ہے۔ ملک بھر میں چھاپے مارے گئے اور لوگوں کو تشدد کا نشانہ بنایا گیا۔ کرکٹ کا بہانہ بنا کر ہمیں مینار پاکستان جلسے کی اجازت نہیں دی گئی، جو کہ اس بات کی واضح علامت ہے کہ یہ کھوکھلی حکومت اندر سے کس قدر بوکھلاہٹ کا شکار ہے۔
میں نے آرمی چیف کے نام خط ملک کی بہتری کے لیے نیک نیتی سے لکھا تھا۔ یہ میرا ملک ہے اور مجھے اس کی فکر ہے۔ میں ڈی جی آئی ایس پی آر کو یہ کہنا چاہتا ہوں کہ فوج کی ساکھ مکمل طور پر تباہ ہو رہی ہے۔ آپ کہتے ہیں کہ ہم سیاست میں مداخلت نہیں کرتے، مگر بچہ بچہ جانتا ہے کہ ملک کا نظام آرمی چیف ہی چلا رہا ہے۔
پاکستان تحریک انصاف کے رہنما اور سابق وزیر خارجہ شاہ محمود قریشی نے کہا ہے کہ ماضی میں کبھی بھی آئی ایم ایف کے وفد نے چیف جسٹس سے بریفنگ نہیں لی۔ انہوں نے مزید کہا کہ آئی ایم ایف کی بریفنگ سے ملک میں قانون کی عملداری کا اندازہ لگایا جا سکتا ہے۔ میڈیا سے گفتگو کرتے ہوئے پی ٹی آئی کے رہنما نے بتایا کہ تمام بڑی جماعتیں ہمارے موقف کی حمایت کر رہی ہیں اور بہت جلد ایک گرینڈ الائنس بننے والا ہے۔ مفتاح اسماعیل، محمود خان اچکزئی اور مولانا فضل الرحمن بھی ہمارے ساتھ ہیں۔ شاہد خاقان عباسی اپنی حکومت سے لاتعلق ہو چکے ہیں اور ہمارے ساتھ کھڑے ہیں۔ انہوں نے کہا کہ حالات بدل چکے ہیں لیکن حکومت ہٹ دھرمی پر اڑی ہوئی ہے۔ تمام رکاوٹوں اور دفعہ 144 کے نفاذ کے باوجود بھی صوابی میں پی ٹی آئی کا جلسہ کامیاب رہا۔
ملتان میں میری بیٹی نے ایک ریلی نکالی جس کے بعد اسے گرفتار کر لیا گیا۔
ملتان میں ہونے والے اس امتیازی سلوک کو لوگ دیکھ رہے ہیں۔ حکومت اوچھے ہتھکنڈے استعمال کر رہی ہے۔ وزیر اطلاعات عطاءاللہ تاڑر کا جلسہ ہوا، جس پر کسی نے پابندی نہیں لگائی۔ ساری پابندیاں صرف تحریک انصاف کے لیے ہیں۔ ایک سوال کے جواب میں پی ٹی آئی کے رہنما نے کہا کہ بانی پی ٹی آئی عمران خان نے اپنے خط میں اپنی رائے اور تجاویز مثبت سوچ کے ساتھ پیش کی ہیں۔ انہوں نے 6 نکات پر بات کی ہے، جسے دنیا بھر میں پذیرائی ملی ہے۔
وزیراعلیٰ پنجاب مریم نواز شریف نے کہا ہے کہ ملک میں کسی بھی شدت پسندانہ سوچ کو پنپنے کی اجازت نہیں دی جائے گی۔ اپنے ایک بیان میں انہوں نے کہا کہ ہم ہر قسم کے تشدد، انتہاپسندانہ رویوں اور دہشت گردی کی سخت مذمت کرتے ہیں۔ پاکستان نے انتہاپسندی اور دہشت گردی کے خلاف بے شمار قربانیاں دی ہیں، اور ہم ہر سطح پر انتہاپسندی اور عدم برداشت کی حوصلہ شکنی کریں گے۔ سرزمین پاک پر کسی بھی شدت پسندانہ سوچ کو پنپنے کی اجازت نہیں دیں گے، اور انتہاپسندانہ نظریات اور دہشت گردی کے خلاف متحد ہو کر جدوجہد جاری رکھیں گے۔
انہوں نے مزید کہا کہ پنجاب حکومت امن، رواداری اور ہم آہنگی کے فروغ کے لیے بھرپور اقدامات کر رہی ہے۔ ہم نوجوانوں کو انتہاپسندی کی بجائے علم، ترقی اور مثبت سوچ کی راہ پر گامزن کر رہے ہیں۔ حکومت پنجاب کی پالیسیوں کا بنیادی مقصد ایسا معاشرہ تشکیل دینا ہے جو برداشت، محبت اور یکجہتی پر قائم ہو۔ ہم ایک ایسا محفوظ، ترقی یافتہ اور پرامن پنجاب بنائیں گے جو دنیا کے لیے برداشت اور امن کی مثال بنے گا۔
لاہور میں جشن اسٹیم پنجاب کی تقریب سے خطاب کرتے ہوئے انہوں نے کہا کہ جو مخالفین پر چور ڈاکو کے طعنے لگاتے ہیں، وہ آپ کے ساتھ مخلص نہیں ہو سکتے۔ طلبہ سے کہا کہ وہ وعدہ کریں کہ ملک کے خلاف کوئی اقدام نہیں اٹھائیں گے اور کسی کے ذاتی مقاصد کے لیے ایندھن مت بنیں۔ زندگی میں مسائل آتے ہیں۔
سیاست8 years agoنواز شریف منتخب ہوکر دگنی خدمت کریں گے، شہباز کا بلاول کو جواب
انٹرٹینمنٹ8 years agoراحت فتح علی خان کی اہلیہ ان کی پروموشن کے معاملات دیکھیں گی
کھیل8 years agoپاکستانی کرکٹ ٹیم کے سابق کپتان شاہد آفریدی نے ساتھی کھلاڑی شعیب ملک کی نئی شادی پر ان کیلئے نیک خواہشات کا اظہار کیا۔
انٹرٹینمنٹ8 years agoشعیب ملک اور ثنا جاوید کی شادی سے متعلق سوال پر بشریٰ انصاری بھڑک اٹھیں