news
تربیلا ڈیم میں پانی کی تشویشناک کمی، صرف 2 فٹ باقی
پانی ختم ہونے کی صورت حال؟ ملک کے سب سے بڑے ڈیم میں واقعی تشویش ناک حالات ہیں۔ پاکستان کے تربیلا ڈیم میں صرف 2 فٹ پانی باقی رہ گیا ہے، جو کہ بجلی کی پیداوار اور پانی ذخیرہ کرنے کی گنجائش کے حوالے سے ایک سنگین مسئلہ ہے۔ تفصیلات کے مطابق، تربیلا ڈیم میں پانی کی سطح خطرناک حد تک کم ہو چکی ہے۔ ذرائع کے مطابق، تربیلا ڈیم کے 9 پیداواری یونٹس بند ہونے کی وجہ سے صرف 499 میگاواٹ بجلی حاصل کی جا رہی ہے، حالانکہ اس ڈیم کے 17 پیداواری یونٹس کی مجموعی صلاحیت 4 ہزار 888 میگاواٹ ہے۔
تربیلا ڈیم میں پانی کی سطح اب 1404 فٹ پر آ گئی ہے، جبکہ اس کا ڈیڈ لیول 1402 فٹ ہے، یعنی پانی کا زیر استعمال ذخیرہ صرف 2 فٹ باقی رہ گیا ہے۔
ڈیم کے ذرائع نے بتایا ہے کہ اگر پانی کا ذخیرہ ختم ہو جاتا ہے تو مزید پانی کی آمد کے مطابق اخراج کیا جائے گا۔ اس وقت تربیلا ڈیم میں پانی کی آمد 14 ہزار 4 سو کیوسک ہے، جبکہ اخراج 20 ہزار کیوسک ہے۔
دوسری جانب، واپڈا نے دریاؤں اور آبی ذخائر میں پانی کی آمد اور اخراج کے اعداد و شمار جاری کر دیئے ہیں۔
اسلام آباد: ماہرین نے خبردار کیا ہے کہ بھارت کی جانب سے سندھ طاس معاہدے کی ممکنہ معطلی ایک خطرناک رجحان کی عکاسی ہے، جو جنوبی ایشیا میں پانی کو بطور ہتھیار استعمال کرنے کی نئی جہت بن سکتی ہے۔
ویلتھ پاک کی رپورٹ کے مطابق، 1960 کے اس تاریخی معاہدے کی خلاف ورزی نہ صرف بین الاقوامی قوانین کی خلاف ورزی ہوگی بلکہ دو ایٹمی ممالک کے درمیان کشیدگی کو شدید تر کر سکتی ہے۔
سینٹر فار لا اینڈ سیکیورٹی کے محقق سید باسم رضا کے مطابق، بھارت کا یہ رویہ بین الاقوامی برادری کے اعتماد کو ٹھیس پہنچائے گا۔ انہوں نے تجویز دی کہ پاکستان کو فوری سفارتی ردعمل کے ساتھ عالمی فورمز پر بھارت کی ممکنہ خلاف ورزیوں کو اجاگر کرنا چاہیے۔
سابق چیف مینیجر اسٹیٹ بینک محمد سلیم خان نے کہا کہ پاکستان کو اپنی آبی حکمت عملی کو متنوع بنانے کی ضرورت ہے تاکہ بھارت کے دباؤ کو کم کیا جا سکے۔ انہوں نے چھوٹے ڈیموں، جدید آبپاشی نظام اور ماحولیاتی اقدامات پر زور دیا۔
ماہرین کے مطابق، اگر بھارت سندھ طاس معاہدے کو یکطرفہ طور پر ختم کرتا ہے تو یہ علاقائی جغرافیائی سیاست میں ایک نیا اور خطرناک موڑ ہوگا، جس کے سنگین اسٹریٹجک نتائج ہو سکتے ہیں۔
کراچی: ماڑی انرجیز نے سندھ کے ضلع سجاول میں سوہو ون بلاک کے تحت گیس کے نئے ذخائر دریافت کر لیے ہیں۔ ابتدائی اندازوں کے مطابق، یہاں سے یومیہ 30 ملین مکعب فٹ (ایم ایم سی ایف) گیس حاصل کی جا سکتی ہے۔
ماہرین کے مطابق یہ دریافت اہم پیشرفت ہے کیونکہ پہلی مرتبہ ریتیلی چٹانوں کے نچلے حصے سے گیس نکالی گئی ہے، جو خطے میں تیل و گیس کی مزید تلاش کے نئے امکانات پیدا کرتی ہے۔
کمپنی کے مطابق مزید فارمیشنز کو ٹارگٹ کیا جا رہا ہے تاکہ ذخائر کی مکمل صلاحیت کو بروئے کار لایا جا سکے۔
یاد رہے کہ رواں سال مارچ میں خیبر پختونخوا کے وزیرستان بلاک میں بھی ماڑی انرجیز کو بڑی دریافت ملی تھی، جہاں اسپن وام ون کنوئیں سے تیل و گیس کے اہم ذخائر ملے تھے۔
سیاست8 years agoنواز شریف منتخب ہوکر دگنی خدمت کریں گے، شہباز کا بلاول کو جواب
- انٹرٹینمنٹ8 years ago
راحت فتح علی خان کی اہلیہ ان کی پروموشن کے معاملات دیکھیں گی
- انٹرٹینمنٹ8 years ago
شعیب ملک اور ثنا جاوید کی شادی سے متعلق سوال پر بشریٰ انصاری بھڑک اٹھیں
- کھیل8 years ago
پاکستانی کرکٹ ٹیم کے سابق کپتان شاہد آفریدی نے ساتھی کھلاڑی شعیب ملک کی نئی شادی پر ان کیلئے نیک خواہشات کا اظہار کیا۔
