خیبرپختونخوا میں اس سال بھی مستحق خاندانوں کے لیے رمضان اور عید پیکج فراہم کیا جائے گا۔

مشیراطلاعات خیبرپختونخوا حکومت بیرسٹر سیف نے ایک بیان میں کہا کہ صوبائی حکومت نے گزشتہ سال کی طرح اس سال بھی رمضان اور عید پیکج دینے کا فیصلہ کیا ہے۔ یہ پیکج صوبے کے مستحق خاندانوں کو دیا جائے گا، جس میں ہر مستحق خاندان کو 10 ہزار روپے فراہم کیے جائیں گے۔ صوبے میں 10 لاکھ سے زائد مستحق خاندانوں کو یہ امدادی پیکج ملے گا۔ بیرسٹر سیف نے مزید کہا کہ امدادی پیکج کی رقم 15 رمضان سے پہلے بینکوں اور ایزی پیسہ کے ذریعے شفاف طریقے سے مستحق خاندانوں تک پہنچائی جائے گی۔ بینک اور ڈسبرسنگ چارجز صوبائی حکومت خود برداشت کرے گی تاکہ مستحق افراد کو پوری رقم مل سکے۔ وزیراعلیٰ علی امین گنڈا پور نے ہدایت کی ہے کہ امدادی پیکج مکمل شفافیت کے ساتھ مستحق افراد تک پہنچایا جائے۔ وزیراعلیٰ نے یتیم اور دہشت گردی سے متاثرہ افراد کو ترجیحی بنیادوں پر پیکج فراہم کرنے کی بھی ہدایت کی ہے، اور خواجہ سراوں کو بھی ترجیحی بنیادوں پر امدادی