news
جنید اکبر: پی ٹی آئی میں محنت نہ کرنے والوں کی کوئی جگہ نہیں
پاکستان تحریکِ انصاف خیبر پختونخواہ کے صدر جنید اکبر نے خبردار کیا ہے کہ جو لوگ پارٹی کے لیے محنت نہیں کریں گے، ان کا راستہ روکنے کے لیے میں ہر ممکن اقدام اٹھاؤں گا، پی ٹی آئی میں گروپنگ کی کوئی جگہ نہیں ہے۔ پشاور میں میڈیا سے بات چیت کرتے ہوئے انہوں نے کہا کہ صوابی کا جلسہ کامیاب رہا، وہاں لوگوں کی تعداد ہماری توقعات سے زیادہ تھی، اور میں نے اس جلسے کے بارے میں رپورٹس طلب کی ہیں۔ جو لوگ غیر تسلی بخش کارکردگی دکھائیں گے، انہیں آگے بڑھنے نہیں دوں گا کیونکہ اگر کسی نے پارٹی میں رہنا ہے تو اسے محنت کرنی ہوگی۔
جب ایک صحافی نے ان سے پوچھا کہ کیا اراکینِ اسمبلی کو جلسے کے لیے فنڈز فراہم نہیں کیے گئے تھے، تو جنید اکبر نے جواب دیا کہ اگر کوئی یہ کہتا ہے کہ اسے فنڈز نہیں ملے تو اسے سیاست چھوڑ کر دکان کھول لینی چاہیے، کیونکہ پیسوں کے ذریعے سیاست کرنے والے لوگ پارٹی کے لیے عیب ہوں گے۔ تاہم، انہوں نے شکیل خان کی ایمانداری کی تعریف کی اور کہا کہ وہ ان کے ساتھ کھڑے ہیں، چاہے کسی کو یہ پسند آئے یا نہ آئے، وہ شکیل خان کے حق میں آواز اٹھاتے رہیں گے۔
مزید برآں، انہوں نے یہ بھی کہا کہ پارٹی میں میری یا علی امین گنڈاپور کی کوئی خاص اہمیت نہیں، اصل اہمیت صرف عمران خان اور ہمارے ووٹرز کی ہے۔ صوابی جلسے کے دو مقاصد تھے، ایک مقصد فنانس کا تھا کہ کیا ہم کوئی سرگرمی کر سکتے ہیں یا نہیں۔
لاہور: وزیراعلیٰ پنجاب مریم نوازشریف نے فیک نیوز کے خلاف مؤثر کارروائی کے لیے پنجاب میں اسپیشل ویب پورٹل قائم کرنے کا فیصلہ کیا ہے۔ اس ویب پورٹل کے ذریعے تمام سرکاری محکمے بروقت اور درست معلومات فراہم کریں گے تاکہ عوام کو جھوٹی خبروں سے بچایا جا سکے۔
سیکرٹری داخلہ نورالامین مینگل نے وزیراعلیٰ کے احکامات پر چیئرمین پی آئی ٹی بی کو 24 گھنٹے میں پورٹل تیار کرنے کا ٹاسک سونپ دیا ہے۔
اس کے علاوہ، جنگی اور ہنگامی حالات سے نمٹنے کے لیے خصوصی فنڈز کے قیام پر بھی غور جاری ہے، جبکہ انٹرنل سیکیورٹی کے لیے ایک علیحدہ فنڈ قائم کرنے کی سمری وزیراعلیٰ کو بھیجی جائے گی۔
یہ اقدام سوشل میڈیا پر پھیلنے والی فیک نیوز اور افواہوں کے خلاف حکومت پنجاب کی سنجیدہ کوششوں کا حصہ ہے۔
سائبر سیکیورٹی ماہرین نے خبردار کیا ہے کہ اپریل 2024 سے اپریل 2025 کے درمیان 19 ارب سے زائد پاسورڈز لیک ہوئے، جسے انہوں نے ایک سنگین “سائبر سیکیورٹی بحران” قرار دیا ہے۔
تحقیق کے مطابق 94 فیصد پاسورڈز دوبارہ استعمال کیے گئے یا کاپی شدہ تھے، جبکہ صرف 6 فیصد (تقریباً 1.14 ارب) پاسورڈز منفرد پائے گئے۔
ماہرین کے مطابق لوگوں کی بڑی تعداد ایسے کمزور پاسورڈز استعمال کرتی ہے جو یاد رکھنا آسان ہوں، جیسے “password” اور “admin”۔ تحقیق میں یہ بھی سامنے آیا کہ 4 فیصد پاسورڈز میں “1234” جیسا آسان تسلسل استعمال کیا گیا، جبکہ 8 فیصد پاسورڈز میں لوگوں کے نام شامل تھے۔
سائبر نیوز کی ریسرچر نیرنگا کے مطابق “کمزور اور دوبارہ استعمال شدہ پاسورڈز اب ایک عالمی وبا بن چکے ہیں”۔
سیاست8 years agoنواز شریف منتخب ہوکر دگنی خدمت کریں گے، شہباز کا بلاول کو جواب
انٹرٹینمنٹ8 years agoراحت فتح علی خان کی اہلیہ ان کی پروموشن کے معاملات دیکھیں گی
انٹرٹینمنٹ8 years agoشعیب ملک اور ثنا جاوید کی شادی سے متعلق سوال پر بشریٰ انصاری بھڑک اٹھیں
کھیل8 years agoپاکستانی کرکٹ ٹیم کے سابق کپتان شاہد آفریدی نے ساتھی کھلاڑی شعیب ملک کی نئی شادی پر ان کیلئے نیک خواہشات کا اظہار کیا۔