مکیفی لیب کی طرف سے پیش کی جانے والی تازہ ترین رپورٹ میں گوگل پلے اسٹور پر درجن سے زیادہ اسپائی لون کے نام سے پہچانے جانے والے میلویئر کی حامل ایک نقصان دہ اینڈرائیڈ ایپ کی نشان دہی کی گئی ہے جن کو مجموعی طور پر 80 لاکھ سے زیادہ مرتبہ ڈاؤن لوڈ کیا جا چکا ہے۔

سیکیورٹی محقق فرنینڈو روئز نے اپنی رپورٹ میں کہا تھا کہ یہ پی یو پی (پوٹینشلی ان وانٹڈ پروگرامز) ایپلی کیشنز سوشل انجینئرنگ طریقے استعمال کر کے صارفین کو پھانس لیتی ہیں تاکہ ان سے حساس معلومات حاصل کر سکیں اور موبائل سے اضافی اجازتیں حاصل کر سکیں جو بعد میں بھتے، ہراسانی اور معاشی نقصان تک لے جا سکیں۔

نو دریافت شدہ ایپس میکسیکو، کولمبیا، سینیگال، تھائی لینڈ، انڈونیشیا، ویتنام، تنزانیہ، پیرو اور چلی میں صارفین کو للچانے کے لیے کم سے کم دستاویزی کارروائی پر فوری قرض کی پیش کش کرتی ہیں۔

صارفین کو ہدف بنانے والی قرض ایپ کے نام ذیل میں ہیں اور ان میں سے پانچ ایپس اب بھی ڈاؤن لوڈ کے لیے دستیاب ہیں۔

آرٹیفیشل انٹیلی جنس (اے آئی) کی روز بروز ترقی کے دوران اب ماہرین نے ایک نیا اے آئی ماڈل پیش کیا ہےجو موت کی پیشن گوئی کرنے کے بھی قابل ہے۔

ڈیتھ کلاک ایک اختراعی ایپ ہے جو اے آئی کے ذریعے صارفین کو ان کی متوقع زندگی کے حوالے سے پیش گوئی کرتی ہے۔

سینسر ٹاور کے مطابق ایپ کو جولائی میں لانچ کیا گیا اور تھوڑے ہی عرصے میں صارفین نے 125,000 سے زیادہ ڈاؤن لوڈز کیے۔ ‘ڈیتھ کلاک’ ایپ 1,200 متوقع عمر پر مبنی مطالعات کو استعمال کرتی ہے جس میں تقریباً 53 ملین شرکاء کا ڈیٹا موجود ہے۔

ورزش، خوراک، نیند اور تناؤ کی سطح جیسے عوامل کا تجزیہ کرنے کے بعد ایپ زیادہ درست پیشین گوئیاں فراہم کرتی ہے۔ ایپ روایتی پیشن گوئی کرنے والے دیگر اے آئی ماڈلز سے بھی زیادہ درست ہونے کی دعویدار ہے۔

اس کے علاوہ یہ ان عادات کو بھی تجویز کرتی ہے جو آپ کو بہتر کرنے کی ضرورت ہے۔ مثلا اے آئی کو پتہ چل جاتا ہے کہ آپ کے پاس نیند کی کمی ہے تو یہ آپ کے نیند کے اوقات کو بہتر بنانے کے لیے کچھ طریقے تجویز کر دے گی۔
اے آئی نے جہاں ہماری زندگی میں اور بہت سی آسانیاں پیدا کی ہیں وہاں یہ ہماری زندگی کے غلط رویوں اور بری عادات کے اثرات کو بھی واضح کر کے ہمیں اپنے لائف سٹائل کو تبدیل کرنے کے حوالے سے بہت ہی بہتر رہنمائی فراہم کرتی ہے