گوگل کے ذیلی ویڈیو اسٹریمنگ پلیٹ فارم یوٹیوب نے ٹی وی ویونگ ٹائم میں اپنے حریف پلیٹ فارمز نیٹ فلکس اور ڈزنی پلس کو پیچھے چھوڑ دیا ہے۔ نیلسن ڈیٹا کے مطابق امریکا میں مجموعی ٹیلی ویژن ویو ٹائم کا 12.5 فیصد حصہ صرف یوٹیوب کے پاس ہے، جو پہلی بار اسٹریمنگ کو کیبل اور براڈکاسٹ ٹی وی سے بڑا بنا رہا ہے۔ دلچسپ بات یہ ہے کہ جہاں بڑی میڈیا کمپنیز اربوں ڈالر خرچ کر کے سبسکرائبرز کو متوجہ کرنے کے لیے معیاری مواد تیار کر رہی ہیں، وہیں یوٹیوب نے صارفین کی بنائی گئی ویڈیوز اور پوڈکاسٹس کی بدولت خاموشی کے ساتھ دنیا کی سب سے بڑی انٹرٹینمنٹ سلطنت قائم کر دی ہے۔ اعداد و شمار سے ظاہر ہوتا ہے کہ یوٹیوب پر دیکھے جانے والی 49 فیصد ویڈیوز 11 منٹ یا اس سے زیادہ دورانیے کی ہیں، جبکہ ٹی وی پر مبنی یوٹیوب ویونگ سیشنز کا 60 فیصد حصہ آدھے گھنٹے یا اس سے زیادہ وقت پر مشتمل ہوتا ہے۔

کراچی: پاکستان اسٹاک ایکسچینج میں بدھ کے روز شاندار تیزی کا رجحان دیکھنے میں آیا، جس کے نتیجے میں انڈیکس تاریخ کی بلند ترین سطح پر جا پہنچا۔ پاکستان اسٹاک ایکسچینج کاروبار کا آغاز 543 پوائنٹس کی تیزی کے ساتھ ہوا، جس سے کے ایس ای 100 انڈیکس بڑھ کر ایک لاکھ 50 ہزار 314 پوائنٹس کی نئی بلند سطح پر پہنچ گیا۔ بعدازاں تیزی کا یہ سلسلہ جاری رہا اور انڈیکس بتدریج 797، 838، 1089، 1118، 1219 اور 1356 پوائنٹس بڑھ کر ایک لاکھ 50 ہزار 837 پوائنٹس کی نئی ریکارڈ سطح پر جا پہنچا۔ تاہم دن بھر کے دوران پرافٹ ٹیکنگ کے باعث کاروبار میں اتار چڑھاؤ کا رجحان بھی جاری رہا۔