باخبر ذرائع کے مطابق حکومت نئی ٹرمپ انتظامیہ کے ساتھ دفاع، تجارتی شعبوں، صحت اور توانائی کے علاوہ مختلف شعبوں میں رابطوں کے لئے اپنی حکمت عملی کو حتمی اور آخری شکل شکل دے رہی ہے۔

اس سلسلے میں وزارت خارجہ کے سیکرٹری کی زیر صدارت ایک بین الوزارتی اجلاس ہوا جس میں نئی انتظامیہ کے ساتھ رابطے کے مختلف آپشنز پر بھی تبادلہ خیال کیا گیا۔

اجلاس کے دوران ، تمام وزارتوں کے نمائندوں سے یہ درخواست کی گئی کہ وہ امریکہ کے ساتھ زیر التواء معاملات کی صورتحال کے ساتھ نئی امریکی حکومت کے لئے کسی بھی نئی تجاویز کے بارے میں اپنی رائے یا نئی معلومات تحریری طور پر شیر کریں۔

ذرائع کے مطابق وزارت خارجہ کی جانب سے تمام متعلقہ وزارتوں سے کہا گیا ہے کہ وہ نئی
ٹرمپ انتظامیہ کے ساتھ تعلقات پر ایک جامع پریزنٹیشن تیار کریں۔ لہٰذا زیر التوا مسائل پر فیڈ بیک کے علاوہ متعلقہ وزارتوں/اداروں کی طرف سے متعلقہ شعبوں میں نئی تجاویز کی تیاری کی فوری ضرورت ہے۔

وزارت خارجہ نے متعلقہ وزارتوں/ اداروں یعنی وزارت دفاع، وزارت نیشنل فوڈ سیکیورٹی اینڈ ریسرچ، وزارت موسمیاتی تبدیلی اور ماحولیاتی رابطہ، اقتصادی امور ڈویژن، وفاقی تعلیم و خصوصی تربیت، وزارت تجارت، وزارت قومی صحت، ریگولیشن اینڈ کوآرڈینیشن، پیٹرولیم ڈویژن، پاور ڈویژن، وزارت داخلہ، خصوصی سرمایہ کاری سہولت کونسل وغیرہ کو فوری طور پر فوکل پرسن کو متعلقہ مواد بھیجنے کے لیے بھی کہا ہے۔

نیز، واشنگٹن میں پاکستان کے سفیر، جو نامزد افراد سے بات چیت کر رہے ہیں،انہوں نے امریکہ کے معاون وزیر خارجہ برائے توانائی وسائل، جیوفیری پیاٹ سے بھی ملاقات کی ہے۔ دوران ملاقات امریکی وفد نے پاکستان اور امریکہ کے درمیان انرجی سیکیورٹی ڈائیلاگ کے تیسرے دور کے لیے جنوری کے وسط کا ٹائم فریم دیا ہے۔ امریکہ نے اس سلسلے میں پاکستان سے بھی رائے طلب کی ہے۔

وزارت خارجہ نے کا کہنا ہے کہ انرجی سیکیورٹی ڈائیلاگ کا دوسرا مرحلہ 15 مارچ 2023 کو اسلام آباد میں ہوا تھا۔ اجلاس کی صدارت سابق وفاقی وزیر توانائی خرم دستگیر خان نے کی تھی جبکہ معاون وزیر خارجہ پیاٹ تھے۔ مذاکرات کے بعد ایک مشترکہ اعلامیہ جاری بھی جاری کیا گیا تھا۔