ایران نے گزشتہ رات اسرائیل پر 400میزائل سے حملہ کیا ، تل ابیب، یروشلم اور حیفہ کے شہروں پر درجنوں میزائل دیکھے جانے کے بعد ملک بھر میں سائرن بجنے لگے۔ایرانی حملے میں اسرائیلی فضائی اڈے کو نشانہ بنایا گیا۔ ایران کے پاسداران انقلاب کا کہنا ہے کہ یہ حملہ اسرائیلی سکیورٹی اور فوجی اہداف پر کیا گیا اور یہ حملہ حزب اللہ کے رہنما حسن نصراللہ اور دیگر کے قتل کے جواب میں کیا گیا۔

اسرائیلی فوج جس نے ابتدائی طور پر اندازہ لگایا تھا کہ اسرائیل پر تقریبا 180 میزائل داغے گئے تھے، امریکہ کا کہنا تھا کہ اس حملے کے نتائج برآمد ہوں گے۔اس سے قبل امریکہ نے کہا تھا کہ اسے یقین ہے کہ ایران اسرائیل کے خلاف بیلسٹک میزائل حملے کی تیاری کر رہا ہے کیونکہ اسرائیل نے جنوبی لبنان میں ایران کی حمایت یافتہ حزب اللہ کو نشانہ بنانے کے لیے زمینی کارروائی شروع کی تھی۔

ایرانی فوج کے سربراہ نے کہا کہ منگل کو داغے گئے میزائل حملے فوجی اہداف تک محدود تھے لیکن انہوں نے خبردار کیا کہ اگر اسرائیل نے جوابی کارروائی کی تو وسیع پیمانے پر حملے کیے جائیں گے۔
میجر جنرل محمد باقری نے کہا کہ ایران نے فوجی انفراسٹرکچر بشمول موساد انٹیلی جنس ایجنسی، نیوٹیم ایئر بیس، حتزور ایئر بیس، ریڈار تنصیبات اور اسرائیلی ٹینکوں کے گروپوں کو نشانہ بنایا ہے۔

انہوں نے کہا، “ہمارے پاس حکومت کے اقتصادی ڈھانچے پر حملہ کرنے کی صلاحیت تھی، لیکن ہم نے صرف فوجی اڈوں کو نشانہ بنایا۔انہوں نے اسرائیل اور اس کے حامیوں کے لیے ایک انتباہ بھی شامل کیا۔

انہوں نے کہا کہ اگر صیہونی حکومت کو کنٹرول نہیں کیا گیا اوران کے خلاف کارروائی نہیں کی گئی تو ہم اس کے تمام بنیادی ڈھانچے کو نشانہ بنائیں گے۔اسرائیل نے ایران کی جانب سے ملک پر کیے جانے والے اب تک کے سب سے بڑے حملے کا جواب دینے کا عزم ظاہر کیا ہے جس سے مشرق وسطیٰ میں تنازع میں مزید اضافے کا خدشہ پیدا ہو گیا ہے

مقامی وقت کے مطابق آدھی رات کے بعد ایکس کو پوسٹ کیے گئے چند پیغامات میں سے ایک میں آئی ڈی ایف عربی کے ترجمان اویچی ادرائی نے متنبہ کیا کہ رہائشی “حزب اللہ سے تعلق رکھنے والی خطرناک تنصیبات کے قریب واقع ہیں جن کے خلاف دفاعی فورس جلد ہی طاقت کے ساتھ کارروائی کرے گی۔

اسرائیلی فوج کی جانب سے انخلا کے احکامات مقامی وقت کے مطابق آدھی رات سے صبح تین بجے کے درمیان سوشل میڈیا پر پوسٹ کیے گئے ہیں، ممکنہ طور پر جب بہت سے لوگ سو رہے ہوں گے۔
ایک اندازے کے مطابق لبنان میں گزشتہ چند ہفتوں کے دوران دس لاکھ افراد بے گھر ہو چکے ہیں جن میں سے ہزاروں نے بیروت میں پناہ لی ہوئی ہے جن میں شہر کے جنوبی مضافات کے کناروں پر واقع اسکول بھی شامل ہیں۔

پی آئ اے

پاکستان کی قومی ایئرلائن کے ترجمان نے بدھ کے روز کہا کہ تہران کی جانب سے اسرائیل پر میزائل حملوں کے چند گھنٹوں بعد پی آئی اے نے ایران کی فضائی حدود کا استعمال تاحکم ثانی معطل کر دیا ہے۔