کیس کی سماعت کے لیے ایک نئے بینچ کی تشکیل دے دی گئی جس میں جسٹس منیب اختر کی جگہ جسٹس نعیم اختر افغان کو پانچ رکنی بینچ میں شامل کر لیا گیا۔ چیف جسٹس نے جسٹس منصور علی شاہ کا نام تجویز کیا جبکہ دوسری جانب سپریم کورٹ نے ارٹیکل 63 نظر ثانی اپیل کیس کی کاز لسٹ جاری کر دی ۔

چیف جسٹس نے کمیٹی میٹنگ اور جسٹس منیب اختر کے حوالے سے سماعت کے آغاز میں کہا کہ عدالت کو آگاہ کرنا چاہتا ہوں جو کچھ ہوا وہ سب کے سامنے ہے ۔جسٹس منیب اختر کو کل سماعت کے بعد بینچ میں شمولیت کی درخواست دی گئی تھی ،انہوں نے اپنی پوزیشن برقرار رکھی اور کہا میں نے کمیٹی میں جسٹس منصور علی شاہ کو بھی شامل کرنے کی سفارش کی ۔سپریم کورٹ میں جو ہوتا ہے وہ سب کے سامنے ہوتا ہے ججز کمیٹی کو نو بجے بلایا گیا، جسٹس منظور علی شاہ کا انتظار کیا گیا، ان سے رابطہ بھی کیا مگر ان کی جانب سے انکار کر دیا گیا ۔ہمارے پاس کوئی دوسرا اپشن نہیں رہا ،میں نہیں چاہتا کہ دیگر ججز کو پریشان کیا جائے اس لیے نعیم افغان کو نئے بینچ میں شامل کر لیا

تا ہم جب سماعت شروع ہوئی تو جسٹس منیب غیر حاضر تھے جسٹس منیب اختر نے خط میں جسٹس مظہر عالم کو بینچ میں شامل کرنے پراعتراض اٹھایا ۔انہوں نے کہا جسٹس ریٹائرڈ مظہر عالم اس وقت ارٹیکل 182 کے مطابق ایڈہاک جج کی حیثیت سے سپریم کورٹ کے اجلاس میں شریک ہیں۔

جسٹس مظہر اور ایک اور ریٹائرڈ جج سے درخواست کرنا کیوں ضروری سمجھا گیا اس سے متعلق تمام وجوہات 19 جولائی 2024 کو جے سی پی کی میٹنگ کے منٹس میں بیان کر دی گئی تھیں۔ سی ار پی کی سماعت کے لیے بینچ میں ان کی شمولیت ارٹیکل 182 کے خلاف ہے ۔چیف جسٹس نے کیس کی سماعت ائندہ منگل تک ملتوی کرتے ہوئے کہا کہ وہ جج کو بینچ کا حصہ بننے کے لیے کہیں گے کیونکہ نظر ثانی درخواست کی سماعت ریل کیس کے مطابق پانچ رکنی بینچ نے کرنی ہے۔

تاہم عدالت کل صبح ساڑھے11بجے دوبارہ سماعت کرے گی اور اگر جسٹس منیب اختر بینچ میں نہیں بیٹھنا چاہتے تو ان کی جگہ کسی اور جج کو شامل کر دیا جائے گاپیر کی شام کو جاری کیے گئے تحریری حکم نامے میں کہا گیا کہ جسٹس منیب اختر نے بینچ نمبر تین کی سربراہی کی اور مقدمات کی سماعت کی لہذا رجسٹرار کو ہدایت کی جاتی ہے کہ وہ فوری حکم نامہ اپنی لارڈ شپ کے سامنے پیش کرےاور بینچ میں شامل ہونے کی درخواست کرے اگر وہ ایسا نہ کریں تو سپریم کورٹ پریکٹس اینڈ پروسیجر ایکٹ کی دفعہ دو کے تحت تشکیل دی گئی کمیٹی کو بینچ میں ان کی جگہ کسی اور جج کی تقریری کرنی ہوگی