وفاقی حکام کا کہنا ہے کہ اسلام آباد میں گردوں کی غیر قانونی پیوند کاری میں نجی ہسپتالوں اور لیبز کے ملوث ہونے کا انکشاف ہوا ہے
ذرائع کے مطابق پشاور روڈ پر واقعہ نجی ہسپتال اور اسلام آباد کی ایک پرائیویٹ لیپ سمیت وفاقی ہیومن آرگن ٹرانسپلانٹ اتھارٹی کے اعلی حکام بھی اس واقعے میں ملوث پائے گئے ہیں جبکہ گردوں کے غیر قانونی پیوند کاری کے 95 فیصد کیس جی 8 مرکز کے ہسپتال سے وابستہ ہیں
وفاقی حکام کے مطابق نجی ہسپتالوں کی طرف سے پیوند کاری کی 22 درخواستیں موصول موصول ہوئی ہیں جو کہ سب غیر قانونی تھی اور قانونی پیوند کاری کے لیے جعلی لیبارٹری رپورٹس اور دستاویزات بنائی جا رہی ہیں ان جعلی رپورٹوں کے ذریعے مریضوں کے قریبی رشتہ داروں کو پیوند کاری سے نا اہل قرار دے دیا جاتا ہے
وفاقی حکام کا کہنا ہے کہ اسلام آباد کہ تمام غیر قانونی کڈنی ٹرانسپلانٹ کیسز پنجاب اور خیبر پختون خواہ کے ہیں جہاں سے مالدار مریضوں کو منتخب کر کے ڈائلسز کے لیے غیر قانونی پیوند کاری کی طرف راغب کیا جاتا ہے اور گردے بیچنے والے غریب اشخاص سے چند لاکھ روپے کے گردہ لے کر ٹرانسپلانٹ کرنے والے ادارے ان مالدار افراد کے ہاتھوں فروخت کر کے کروڑوں کما تے ہیں

وزیراعظم پاکستان شہباز شریف نے نیشنل ایکشن پلان پر ایپکس کمیٹی کا اجلاس آج طلب کر لیا ہے
وزیراعظم شہباز شریف کی سربراہی میں نیشنل ایکشن پلان پر ایپکس کمیٹی کا اجلاس آج وزیراعظم ہاؤس میں ہوگا
اجلاس میں آرمی چیف جنرل عاصم منیر ڈی جی آئی، ایس آئی کےعلاوہ انٹیلیجنس اداروں کے سربراہان چاروں صوبوں کے وزرائے اعلیٰ بھی شامل ہوں گے
حکام کا کہنا ہے کہ اجلاس میں دہشت گردی کے خلاف کیے گئے اقدامات پر بھی بریفنگ دی جائے گی
اس سے قبل ایپکس کمیٹی کا کل ہونے والا اجلاس ملتوی کر دیا گیا تھا