پاک فوج سپن بولدک حملہ ناکام بنانے میں کامیاب ہوگئی۔ سکیورٹی ذرائع کے مطابق افغان طالبان اور فتنہ الخوارج نے سپن بولدک کے قریب چمن میں تین مختلف مقامات پر حملے کیے، تاہم پاک فوج کی مؤثر جوابی کارروائی نے دشمن کے تمام عزائم خاک میں ملا دیے۔ کارروائی کے دوران پندرہ سے بیس دہشتگرد مارے گئے، جب کہ متعدد زخمی ہو کر پسپا ہوگئے۔

ذرائع کے مطابق افغان طالبان اور فتنہ الخوارج کے دہشتگردوں نے معصوم شہریوں اور دیہات کو انسانی ڈھال کے طور پر استعمال کیا، مگر پاک فوج نے انتہائی پیشہ ورانہ حکمتِ عملی سے کارروائی کرتے ہوئے شہری نقصان سے گریز کیا۔

مزید بتایا گیا کہ دہشتگردوں نے پاک افغان دوستی گیٹ کو دھماکے سے اڑا دیا، جو اس بات کا واضح ثبوت ہے کہ افغان طالبان تجارت اور عوامی آمدورفت کے مخالف ہیں۔ چمن میں جاری کشیدگی کے باعث آج تمام تعلیمی ادارے بند کردیے گئے اور پولیو مہم بھی عارضی طور پر معطل کر دی گئی ہے۔

سیکیورٹی فورسز نے سرحدی علاقوں میں گشت بڑھا دیا ہے اور علاقے میں مکمل کنٹرول حاصل کرلیا گیا ہے تاکہ کسی بھی ممکنہ ناخوشگوار واقعے سے بچا جا سکے۔

ذرائع کے مطابق، پاک فوج نے کرم سیکٹر پر افغان طالبان کے ایک اور حملے کی کوشش بھی ناکام بنائی، جس میں آٹھ پوسٹیں اور چھ ٹینک تباہ کیے گئے۔ جوابی کارروائی میں امریکی ساختہ اسلحہ بھی قبضے میں لیا گیا۔

علاوہ ازیں، افغان فورسز کی بلااشتعال فائرنگ سے چمن میں دو بچوں سمیت چار شہری زخمی ہوئے جنہیں قریبی اسپتال منتقل کیا گیا۔ پاک فوج کی جانب سے مؤثر ردعمل کے بعد ویش منڈی اور سپن بولدک کے علاقوں میں دہشتگردوں کے کئی ٹھکانے تباہ کیے گئے، جس میں دو دہشتگرد ہلاک اور دس زخمی ہوئے۔

پاک فوج اسپن بولدک آپریشن میں افغان طالبان اور فتنہ الخوارج کے مشترکہ حملے ناکام بنا دیے گئے۔ سیکیورٹی ذرائع کے مطابق دہشتگردوں نے علی الصبح چمن کے علاقے اسپن بولدک میں تین مختلف مقامات پر حملہ کیا، تاہم پاک فوج نے مؤثر جوابی کارروائی کرتے ہوئے دشمن کو پسپا کر دیا۔

ذرائع کے مطابق حملہ آوروں نے دیہات اور معصوم شہریوں کو ڈھال کے طور پر استعمال کیا، لیکن پاک فوج کی پیشہ ورانہ حکمتِ عملی اور بروقت ردِعمل کے باعث 15 سے 20 دہشتگرد ہلاک ہو گئے۔ دہشتگردوں نے افغانستان کی سمت سے پاک افغان دوستی گیٹ پر دھماکہ بھی کیا، جس سے ظاہر ہوتا ہے کہ افغان طالبان تجارت اور عوامی آمدورفت کے مخالف ہیں۔

مزید بتایا گیا کہ پاک فوج نے گزشتہ رات کرم سیکٹر میں بھی افغان طالبان اور فتنہ الخوارج کے حملے کی کوشش ناکام بنائی۔ جوابی کارروائی کے دوران 8 پوسٹیں اور 6 ٹینک بمعہ عملہ تباہ کیے گئے، جب کہ متعدد دہشتگرد ہلاک اور امریکی ساختہ اسلحہ قبضے میں لے لیا گیا۔