سکیورٹی فورسز نے بروقت اور مؤثر کارروائی کرتے ہوئے بلوچستان کے ضلع خاران میں بھارتی اسپانسرڈ دہشتگردوں کا بڑا حملہ ناکام بنا دیا۔ اس کارروائی کے دوران 12 دہشتگرد ہلاک کر دیے گئے، جبکہ متعدد زخمی ہونے کی اطلاعات بھی سامنے آئی ہیں۔

پاک فوج کے شعبہ تعلقات عامہ کے مطابق خاران میں 15 سے 20 بھارتی حمایت یافتہ دہشتگردوں نے منظم انداز میں دہشتگردی کی کارروائیاں شروع کیں۔ دہشتگردوں کا تعلق فتنہ الہندوستان نامی نیٹ ورک سے بتایا گیا ہے، جو ماضی میں بھی سکیورٹی فورسز اور حساس تنصیبات کو نشانہ بناتا رہا ہے۔

پولیس اسٹیشن اور بینک حملے کا نشانہ

دہشتگردوں نے سٹی پولیس اسٹیشن اور دو نجی بینکوں پر حملہ کیا۔ کارروائی کے دوران دہشتگرد بینکوں سے 34 لاکھ روپے لوٹنے میں کامیاب ہو گئے۔ تاہم فورسز کے فوری ردعمل نے صورتحال کو مزید بگڑنے سے بچا لیا۔

سکیورٹی فورسز نے علاقے کو گھیرے میں لے کر کلیئرنس آپریشن شروع کیا۔ تین مختلف مقامات پر شدید جھڑپیں ہوئیں، جن کے نتیجے میں 12 دہشتگرد مارے گئے۔ پولیس اسٹیشن میں یرغمالی بنانے کی کوشش بھی ناکام بنا دی گئی۔

سرچ آپریشن جاری، مزید کارروائیاں متوقع

حکام کے مطابق علاقے میں مزید دہشتگردوں کی موجودگی کے خدشے کے پیش نظر سرچ آپریشن جاری ہے۔ داخلی اور خارجی راستوں پر ناکہ بندی کر دی گئی ہے، جبکہ حساس عمارتوں کی سکیورٹی مزید سخت کر دی گئی ہے۔

قومی اسمبلی میں قائد حزب اختلاف عمر ایوب کی نااہلی کے بعد اہم سیاسی پیش رفت سامنے آئی ہے۔
حکومت اور اپوزیشن اپوزیشن لیڈر کی تقرری پر متفق ہو گئے ہیں۔

ذرائع کے مطابق محمود خان اچکزئی کو اپوزیشن لیڈر کے لیے واحد امیدوار نامزد کیا گیا ہے۔
پی ٹی آئی کے وفد نے اسپیکر قومی اسمبلی ایاز صادق سے ملاقات کر کے نامزدگی جمع کرائی۔

اس وفد میں چیئرمین پی ٹی آئی بیرسٹر گوہر علی اور سابق اسپیکر اسد قیصر شامل تھے۔
ملاقات میں وفاقی وزیر طارق فضل چوہدری بھی شریک رہے۔

ذرائع کا کہنا ہے کہ محمود خان اچکزئی متحدہ اپوزیشن کے متفقہ امیدوار ہوں گے۔
اسپیکر قومی اسمبلی نے بیرسٹر گوہر کو تقرری کی یقین دہانی کرا دی ہے۔

میڈیا سے گفتگو کرتے ہوئے بیرسٹر گوہر علی نے کہا کہ جمعرات تک اپوزیشن لیڈر کا تقرر ہو جائے گا۔
انہوں نے کہا کہ اسپیکر جب چاہیں نوٹیفکیشن جاری کر سکتے ہیں۔

بیرسٹر گوہر کے مطابق اپوزیشن لیڈر کا نوٹیفکیشن اعتماد سازی کی جانب اہم قدم ہوگا۔
انہوں نے اعلان کیا کہ 8 فروری کو پہیہ جام ہڑتال کی جائے گی۔
ان کا کہنا تھا کہ احتجاج پرامن اور مہذب ہوگا۔

چیئرمین پی ٹی آئی نے کہا کہ قومی اسمبلی میں اپوزیشن لیڈر کی تقرری کے بعد سینیٹ میں بھی یہی عمل مکمل ہوگا۔
انہوں نے واضح کیا کہ پارٹی میں کوئی فارورڈ بلاک موجود نہیں۔

بیرسٹر گوہر نے کہا کہ عمران خان ہی پارٹی کے چیئرمین تھے، ہیں اور رہیں گے۔