news
پنجاب میں سیلابی صورتحال تشویشناک
پنجاب میں حالیہ سیلابی صورتحال انتہائی تشویشناک ہو گئی ہے۔ چیف سیکرٹری پنجاب زاہد اختر زمان نے شاہدرہ کے مقام پر دریائے راوی کا دورہ کیا اور اس موقع پر میڈیا سے گفتگو کرتے ہوئے کہا کہ سیلاب کے باعث صوبے میں 10 سے 15 افراد جاں بحق ہو چکے ہیں، اور صورتحال نہایت سنگین ہو چکی ہے۔ انہوں نے واضح کیا کہ آئندہ دریاؤں کے اندر کسی بھی قسم کی تعمیرات کی اجازت نہیں دی جائے گی۔
چیف سیکرٹری کے مطابق، تمام ادارے الرٹ ہیں اور امدادی کاموں میں مصروف ہیں۔ توقع کی جا رہی ہے کہ شاہدرہ کے مقام پر 4 سے 5 گھنٹوں میں پانی کی سطح میں کمی آنا شروع ہو جائے گی۔
ادھر لاہور ڈویژن کے سیلاب سے متاثرہ علاقوں میں 16 کالجز کو 29 اور 30 اگست کو بند رکھنے کا فیصلہ کیا گیا ہے۔ ڈائریکٹر کالجز کی جانب سے جاری نوٹیفکیشن کے مطابق شاہدرہ، چوہنگ، بند روڈ، شرقپور شریف، فیروزوالہ، خانقاہ ڈوگراں، نارنگ منڈی، منڈی فیض آباد، سید والا اور کنگن پور کے کالجز دو دن بند رہیں گے۔ کچھ علاقوں میں سکول بھی بند کیے گئے ہیں۔
چیئرمین این ڈی ایم اے لیفٹیننٹ جنرل انعام حیدر نے بریفنگ میں بتایا کہ 2 لاکھ 10 ہزار افراد کو سیلاب زدہ علاقوں سے محفوظ مقامات پر منتقل کیا جا چکا ہے۔ پاک فوج، رینجرز، ریسکیو 1122 اور پی ڈی ایم اے اس کام میں شامل رہے ہیں۔ انہوں نے کہا کہ دریائے ستلج کے قریبی علاقوں سے بھی آبادی کو منتقل کرنا ضروری ہو چکا ہے۔
دریائے راوی میں شاہدرہ کے مقام پر پانی کا بہاؤ ایک لاکھ 91 ہزار کیوسک تک پہنچ چکا ہے جبکہ اس کی گنجائش 2 لاکھ 50 ہزار کیوسک ہے۔ کمشنر لاہور کے مطابق صورتحال قابو میں ہے مگر ہائی الرٹ جاری ہے۔ دوسری جانب نارنگ منڈی، شرقپور اور دیگر علاقوں میں سیلاب نے شدید تباہی مچائی ہے، ہزاروں ایکڑ زرعی اراضی زیرِ آب آ چکی ہے، متعدد دیہات اور ڈیرہ جات کا زمینی رابطہ منقطع ہو چکا ہے۔
مقامی افراد اپنی مدد آپ کے تحت مال مویشی محفوظ مقامات پر منتقل کر رہے ہیں، جبکہ حکومتی امدادی سرگرمیاں کئی علاقوں میں تاحال شروع نہیں ہو سکیں۔ شرقپور کے مقام پر 1988 کے بعد پہلی بار حفاظتی بند تک پانی پہنچا ہے، اور خطرے کا سامنا ہے کہ اگلے چند گھنٹوں میں راوی کا ریلا شرقپور پہنچ سکتا ہے۔
واشنگٹن: امریکی صدر ڈونلڈ ٹرمپ نے کہا ہے کہ انہیں امید ہے کہ آئندہ سال کا نوبیل امن انعام انہیں دیا جائے گا۔ انہوں نے یہ بات وائٹ ہاؤس میں ایک استقبالیہ کے دوران ہنسی مذاق کے انداز میں کہی، تاہم ان کے بقول ان کی قیادت میں دنیا میں کئی بڑے تنازعات ٹل گئے ہیں۔
ڈونلڈ ٹرمپ نے کہا کہ ان کے دورِ صدارت میں ایسی کئی عالمی کشیدگیاں ختم ہوئیں جو بڑے پیمانے پر جنگ میں تبدیل ہوسکتی تھیں۔ ان کے مطابق “میرے خیال میں کوئی بھی امریکی صدر ایک بھی جنگ نہیں روک سکا، لیکن میں نے آٹھ جنگیں صرف آٹھ ماہ میں روک دیں۔”
انہوں نے مزید کہا کہ ان کی پالیسیوں کے باعث دنیا کے مختلف خطوں میں کشیدگی میں نمایاں کمی آئی اور “شاید کروڑوں جانیں بچ گئی ہوں۔” ٹرمپ نے ہنستے ہوئے کہا کہ اگرچہ رواں سال نوبیل امن انعام کسی اور کو دیا گیا ہے، لیکن انہیں یقین ہے کہ “اگلا سال بہتر ہوگا۔”
واضح رہے کہ رواں برس نوبیل امن انعام وینزویلا کی اپوزیشن رہنما اور سابق رکن پارلیمنٹ ماریا کورینا ماچادو کو دیا گیا، جنہیں جمہوری حقوق کے لیے جدوجہد اور آمریت سے جمہوریت کی طرف پرامن منتقلی کی کوششوں کے اعتراف میں منتخب کیا گیا۔
سیاسی ماہرین کے مطابق ڈونلڈ ٹرمپ کا یہ بیان جزوی طور پر مزاحیہ تھا لیکن اس کے پیچھے ان کی خواہش بھی پوشیدہ ہے کہ عالمی سطح پر ان کے کردار کو امن کے فروغ کے طور پر تسلیم کیا جائے۔ ٹرمپ نے اپنی ماضی کی پالیسیوں، خاص طور پر مشرقِ وسطیٰ میں اسرائیل اور عرب ممالک کے درمیان امن معاہدوں کو، اپنی سب سے بڑی کامیابی قرار دیا ہے۔
پنجاب حکومت نے صوبے میں امن و امان کی صورتحال بہتر بنانے کے لیے انتہا پسند جماعت پر پابندی کی سفارش کر دی۔ وزیراعلیٰ پنجاب مریم نواز کی زیر صدارت اجلاس میں فیصلہ کیا گیا کہ وفاقی حکومت کو پابندی کی سفارش بھجوائی جائے گی۔
اعلامیے کے مطابق نفرت انگیزی، قانون شکنی اور اشتعال پھیلانے والوں کے خلاف سخت کارروائی ہوگی۔ انتہا پسند جماعت کی قیادت کو فورتھ شیڈول میں شامل کیا جائے گا جبکہ ان کی جائیدادیں محکمہ اوقاف کے حوالے کی جائیں گی۔
پنجاب حکومت نے جماعت کے سوشل میڈیا اکاؤنٹس، بینرز اور بینک اکاؤنٹس منجمد کرنے کا بھی فیصلہ کیا ہے۔ غیر قانونی اسلحہ رکھنے کو ناقابل ضمانت جرم قرار دے کر 14 سال قید اور 20 لاکھ روپے جرمانے کی سزا مقرر کی گئی ہے۔
یہ اقدامات صوبے میں انتہا پسندی کے خاتمے اور امن و امان کی بحالی کے لیے کیے گئے ہیں۔
-
news1 month ago14 سالہ سدھارتھ ننڈیالا کی حیران کن کامیابی: دل کی بیماری کا پتہ چلانے والی AI ایپ تیار
-
کھیل5 months agoایشیا کپ 2025: بھارت کی دستبرداری کی خبروں پر بی سی سی آئی کا ردعمل
-
news6 months agoرانا ثناءاللہ کا بلاول کے بیان پر ردعمل: سندھ کے پانی کا ایک قطرہ بھی استعمال نہیں کریں گے
-
news6 months agoاداکارہ علیزہ شاہ نے سوشل میڈیا سے کنارہ کشی کا اعلان کر دیا