سائنس دانوں نے خلا میں ہونے والے اب تک کے سب سے بڑے بلیک ہول انضمام کا سراغ لگا لیا ہے۔ یہ غیر معمولی تصادم ہماری ملکی وے کہکشاں کے مضافاتی حصے میں پیش آیا، جس کے نتیجے میں سورج کے مقابلے میں تقریباً 225 گنا زیادہ وزنی بلیک ہول تشکیل پایا۔

اس تصادم کو سائنسی طور پر GW231123 کا نام دیا گیا ہے، جس کی نشان دہی مشہور LIGO-Virgo-KAGRA (LVK) Collaboration نے کی — یہ ایک بین الاقوامی سائنسی اتحاد ہے جو گریویٹیشنل ویوز کے ذریعے خلا میں رونما ہونے والے واقعات کا سراغ لگاتا ہے۔

اس تصادم سے قبل سب سے بڑے بلیک ہول انضمام کا مجموعی وزن 140 سورجوں کے برابر تھا، مگر اس بار دونوں بلیک ہولز کا وزن 100 سے 140 سورجوں کے برابر رہا، جس نے مل کر تاریخ کا سب سے بڑا گریویٹیشنل انضمام تشکیل دیا۔

کارڈف یونیورسٹی سے تعلق رکھنے والے ماہر فلکیات مارک ہینم کے مطابق:

“یہ اب تک کی سب سے بڑی بلیک ہول بائنری ہے جسے گریویٹیشنل ویوز کے ذریعے ریکارڈ کیا گیا ہے۔”

یہ حیران کن دریافت نہ صرف کائنات کے بارے میں ہماری سائنسی فہم میں اضافہ کرتی ہے بلکہ اس سے کائناتی ارتقا اور بڑے فلکیاتی اجسام کے بارے میں نئے سوالات بھی جنم لیتے ہیں۔