news
آشا بھوسلے کی موت کی افواہ جھوٹی قرار، بیٹے آنند بھوسلے کی وضاحت

ممبئی: بھارتی موسیقی کی لیجنڈری گلوکارہ آشا بھوسلے کی موت کی افواہیں گزشتہ روز سوشل میڈیا پر جنگل کی آگ کی طرح پھیل گئیں، تاہم اب ان کے بیٹے آنند بھوسلے نے ان خبروں کی سختی سے تردید کر دی ہے۔
آنند بھوسلے نے بھارتی میڈیا سے گفتگو کرتے ہوئے بتایا کہ آشا بھوسلے بلکل خیریت سے ہیں اور ان کی موت کی خبریں سراسر جھوٹی اور بے بنیاد ہیں۔ انہوں نے بتایا کہ یہ افواہ ایک جعلی فیس بک پوسٹ کے ذریعے پھیلائی گئی، جس میں آشا بھوسلے کی تصویر پر ہار لگا کر افسوسناک پیغام لکھا گیا تھا۔
ان کے مطابق پوسٹ وائرل ہونے کے بعد مداحوں کی جانب سے سوشل میڈیا اور فون کالز پر مسلسل رابطہ کیا گیا، جس پر انہوں نے فوری طور پر وضاحت دیتے ہوئے کہا کہ “میری والدہ ٹھیک ہیں، ان کی صحت بالکل بہتر ہے۔”
یہ پہلا موقع نہیں کہ کسی مشہور شخصیت کے حوالے سے جھوٹی موت کی خبر پھیلائی گئی ہو۔ آشا بھوسلے، جن کی عمر 91 برس ہے، بھارت کی موسیقی کی دنیا کی مشہور ترین آوازوں میں شامل ہیں۔ وہ آنجہانی لیجنڈری گلوکارہ لتا منگیشکر کی چھوٹی بہن ہیں۔
مداحوں نے جھوٹی خبر پر افسوس کا اظہار کرتے ہوئے سوشل میڈیا پر ذمہ داری کے ساتھ معلومات شیئر کرنے کی اپیل کی ہے۔
news
کراچی: ڈکیتی کیس میں 2 ٹک ٹاکرز کی ضمانت منظور، 2 کی مسترد

کراچی کے علاقے پی ای سی ایچ ایس میں ڈکیتی کیس میں گرفتار 4 ٹک ٹاکرز کی درخواست ضمانت پر فیصلہ سنا دیا گیا۔ عدالت نے دو ملزمان کو ضمانت دے دی جبکہ باقی دو کی درخواستیں مسترد کر دیں۔
فیصلے کے مطابق ملزمان شہروز اور نمرا کی ضمانت منظور کرلی گئی۔ مزید برآں، دونوں کو فی کس ایک لاکھ روپے کے ضمانتی مچلکے جمع کرانے کا حکم دیا گیا ہے۔
تاہم عدالت نے ملزم شہریار اور ملزمہ یسریٰ کی درخواست ضمانت مسترد کردی۔ ان پر الزام ہے کہ انہوں نے 26 جون کو شو روم مالک کے گھر ڈکیتی کی۔
واضح رہے کہ ملزمان کے خلاف تھانہ فیروز آباد میں 13 کروڑ روپے ڈکیتی کا مقدمہ درج ہے۔
news
کنگری میں کشتی ڈوب گئی، مقامی افراد نے 6 افراد کو بچالیا

سندھ کے علاقے کنگری میں کشتی ڈوب گئی۔ خوش قسمتی سے مقامی افراد نے فوری کارروائی کرتے ہوئے تمام 6 افراد کو زندہ بچالیا۔
رپورٹ کے مطابق حادثہ کھرل آباد میں پیش آیا۔ کشتی میں ایک ہی خاندان کے 6 افراد موجود تھے۔ ان کے ساتھ 3 موٹر سائیکلیں اور قیمتی سامان بھی تھا۔
مزید برآں، مقامی افراد نے بروقت کوشش کر کے انسانی جانیں بچالیں۔ تاہم سامان اور موٹر سائیکلیں پانی میں ڈوب گئیں۔
رپورٹ میں بتایا گیا کہ سیلاب کے خدشے کے باعث خاندان نقل مکانی کررہا تھا۔ اسی دوران کنگری کے قریب کشتی الٹ گئی اور یہ حادثہ پیش آیا۔
- news5 months ago
14 سالہ سدھارتھ ننڈیالا کی حیران کن کامیابی: دل کی بیماری کا پتہ چلانے والی AI ایپ تیار
- کھیل3 months ago
ایشیا کپ 2025: بھارت کی دستبرداری کی خبروں پر بی سی سی آئی کا ردعمل
- news4 months ago
رانا ثناءاللہ کا بلاول کے بیان پر ردعمل: سندھ کے پانی کا ایک قطرہ بھی استعمال نہیں کریں گے
- news4 months ago
وزیر دفاع خواجہ آصف: پاکستان کے وجود کو خطرہ ہوا تو ایٹمی ہتھیار استعمال کریں گے