news
جنید اکبر کا انکشاف: عمران خان کی رہائی کی امید ختم
پاکستان تحریکِ انصاف کے رکنِ قومی اسمبلی جنید اکبر نے ایک پروگرام میں گفتگو کرتے ہوئے کہا ہے کہ 26ویں آئینی ترمیم کے بعد عدلیہ مکمل طور پر کنٹرولڈ ہو چکی ہے، اور عمران خان کی رہائی کے لیے ریاستی اداروں سے کسی قسم کی امید باقی نہیں رہی۔ انہوں نے دوٹوک انداز میں کہا کہ پی ٹی آئی کے پاس پہلا اور آخری آپشن اب صرف عوامی احتجاج ہے۔ جنید اکبر کا کہنا تھا کہ انہیں ووٹ اینٹی اسٹیبلشمنٹ بیانیے پر ملا ہے، اور وہ اس بات پر شرمندہ نہیں کہ اسٹیبلشمنٹ سے بات کرنا چاہتے ہیں کیونکہ یہ ہمارے ہی ادارے ہیں، نہ کہ کوئی غیر ملکی ایجنسی جیسے موساد یا را۔ ان کا کہنا تھا کہ سیاست مذاکرات کا نام ہے اور سیاسی قوتوں کو ہی باہمی طور پر مسائل کا حل نکالنا چاہیے، لیکن یہ تب ہی ممکن ہے جب حکومت بڑے دل کا مظاہرہ کرے اور ایسا ماحول بنائے جہاں ڈائیلاگ ممکن ہو۔ جنید اکبر نے مودی کو ذہنی مریض قرار دیتے ہوئے کہا کہ اس نے پاکستان مخالف جذبات ابھار کر اپنی حکومت قائم کی، تاہم دنیا نے اس غیر ذمہ دارانہ رویے کا ساتھ نہیں دیا۔ انہوں نے مزید کہا کہ پاکستان میں بھی درجنوں دہشتگرد حملے ہوتے ہیں لیکن پاکستان نے کبھی ایسا غیر ذمہ دارانہ مؤقف اختیار نہیں کیا۔ انہوں نے خیبرپختونخوا کے حوالے سے شکوہ کرتے ہوئے کہا کہ یہاں پی ٹی آئی کا مینڈیٹ چوری کیا گیا اور جن افسران نے یہ کام کیا وہ آج بھی بااثر عہدوں پر بیٹھے ہیں۔ انہوں نے بیرسٹر سیف پر بھی تنقید کرتے ہوئے کہا کہ جب وہ پارٹی کے ترجمان ہوں تو پھر اینٹی اسٹیبلشمنٹ بیانیہ کامیاب نہیں ہو سکتا۔ جنید اکبر نے واضح کیا کہ اداروں کو سیاست سے الگ ہونا چاہیے کیونکہ سیاستدان ہی سیاست کے اصل فریق ہیں، اور عوام میں بڑھتے ہوئے فاصلے کی ذمہ داری ان اداروں پر عائد ہوتی ہے۔
واشنگٹن:
وفاقی وزیر خزانہ و محصولات سینیٹر محمد اورنگزیب نے کہا ہے کہ پاکستان سعودی عرب تزویراتی شراکت داری کو مزید مضبوط بنانے کی ضرورت ہے۔ انہوں نے زور دیا کہ سعودی عرب کو ایم 6 موٹروے، ایم ایل ون، سکل ڈویلپمنٹ اور آئی ٹی انفراسٹرکچر کے منصوبوں میں شریک ہونا چاہیے۔
یہ بات انہوں نے عالمی بینک اور آئی ایم ایف کے سالانہ اجلاسوں کے موقع پر سعودی فنڈ برائے ترقی کے سی ای او سلطان عبدالرحمٰن المِرشَد سے ملاقات میں کہی۔ وزیر خزانہ نے تیل کی مؤخر ادائیگی کی سہولت پر سعودی عرب کا شکریہ ادا کیا اور پاکستان سعودی عرب تزویراتی شراکت داری کے دائرے کو مزید بڑھانے کی خواہش ظاہر کی۔
علاوہ ازیں، وزیر خزانہ نے امریکی اور عالمی مالیاتی عہدیداران سے بھی ملاقاتیں کیں جن میں تجارت، توانائی، زراعت اور ڈیجیٹل اثاثوں کے شعبوں میں تعاون کے امکانات پر بات ہوئی۔ انہوں نے پاکستان میں جاری معاشی اصلاحات اور استحکام کی پالیسیوں پر روشنی ڈالی۔
گروپ 24 کے اجلاس میں وزیر خزانہ نے کہا کہ پاکستان نے ٹیکس، توانائی اور پبلک سیکٹر میں اصلاحات کے ذریعے میکرو اکنامک استحکام حاصل کیا۔ ان کا کہنا تھا کہ موسمیاتی تبدیلی اور علاقائی تجارت کے چیلنجز سے نمٹنے کے لیے عالمی تعاون ناگزیر ہے۔
وزیر خزانہ نے عالمی بینک کے نائب صدر عثمان دیون سے ملاقات میں نئے کنٹری پارٹنرشپ فریم ورک پر بات کی اور موسمیاتی لچک کے لیے امداد کی درخواست کی۔
کینیڈا کے شہر مسّی ساگا میں 29 ستمبر سے یکم اکتوبر 2025ء تک جاری رہنے والے “اپیرل ٹیکسٹائل سورسنگ (ATS) شو” میں پاکستانی ٹیکسٹائل صنعت نے شاندار شرکت کی۔ اس بین الاقوامی تجارتی میلے میں پاکستان سمیت چین، بنگلا دیش، ویتنام اور کینیڈا کے نمائندوں نے حصہ لیا، جس نے اس نمائش کو عالمی سورسنگ اور صنعت سے جڑے ماہرین کے لیے ایک نمایاں پلیٹ فارم بنا دیا۔
پاکستانی نمائش کنندگان نے اعلیٰ معیار کی ویلیو ایڈڈ مصنوعات پیش کیں، جن میں اسپورٹس ویئر، ٹیکنیکل ٹیکسٹائلز اور حفاظتی ملبوسات شامل تھے۔ یہ نمائش پاکستان کی ٹیکسٹائل صنعت میں مہارت، پائیداری اور ہائی پرفارمنس مصنوعات کی ترقی کی بھرپور عکاسی کرتی ہے۔
شرکاء نے بتایا کہ اس سال کا رسپانس سابقہ برسوں کی نسبت خاصا بہتر رہا، اور متعدد خریداروں و صنعت کاروں سے مثبت تجارتی روابط قائم ہوئے۔ اس موقع پر شمالی امریکا میں ابھرتے ہوئے رجحانات، خاص طور پر ماحول دوست ٹیکسٹائل کی بڑھتی ہوئی مانگ سے متعلق قیمتی معلومات بھی حاصل کی گئیں، جو آئندہ تجارتی حکمتِ عملی کے لیے معاون ثابت ہوں گی۔
-
news1 month ago14 سالہ سدھارتھ ننڈیالا کی حیران کن کامیابی: دل کی بیماری کا پتہ چلانے والی AI ایپ تیار
-
کھیل5 months agoایشیا کپ 2025: بھارت کی دستبرداری کی خبروں پر بی سی سی آئی کا ردعمل
-
news6 months agoرانا ثناءاللہ کا بلاول کے بیان پر ردعمل: سندھ کے پانی کا ایک قطرہ بھی استعمال نہیں کریں گے
-
news6 months agoاداکارہ علیزہ شاہ نے سوشل میڈیا سے کنارہ کشی کا اعلان کر دیا