بھارت کے خلائی تحقیقاتی ادارے آئی ایس آر او (ISRO) کو 18 مئی 2025 کو اس وقت بڑا دھچکا لگا جب PSLV-C61 راکٹ کے ذریعے بھیجا گیا زمین کی نگرانی کا سیٹلائٹ EOS-09 تکنیکی خرابی کے باعث مدار میں نہ پہنچ سکا۔ مشن کا آغاز صبح 5:59 بجے سری ہری کوٹا کے ستیش دھون اسپیس سینٹر سے ہوا، جس میں ابتدائی دو مراحل کامیابی سے مکمل ہوئے، مگر تیسرے مرحلے میں خرابی کے باعث مشن ناکام ہو گیا اور قیمتی سیٹلائٹ ضائع ہوگئی۔ ISRO کے چیئرمین وی نارائنن نے اس ناکامی کی تصدیق کرتے ہوئے تکنیکی جانچ کے لیے کمیٹی تشکیل دینے کا اعلان کیا۔ EOS-09 ایک جدید سی بینڈ سنتھیٹک ایپرچر ریڈار سے لیس تھا جسے زراعت، جنگلات، آبی ذخائر اور قدرتی آفات کی نگرانی کے لیے استعمال کیا جانا تھا۔

اسلام آباد: پاکستان ٹیلی کمیونی کیشن اتھارٹی (پی ٹی اے) نے ملکی مفاد اور سلامتی کے خلاف سرگرم ویب سائٹس اور یوٹیوب چینلز کے خلاف بڑی کارروائی کرتے ہوئے 1 لاکھ 19 ہزار 496 ویب سائٹس اور 3 ہزار 248 یوٹیوب چینلز کو بلاک کر دیا ہے۔ پی ٹی اے حکام کے مطابق یہ کارروائی ان پلیٹ فارمز کے ذریعے پھیلائے جانے والے ملکی سلامتی، دفاع اور خودمختاری کے خلاف مواد کے تناظر میں کی گئی۔ حکام نے مزید وضاحت کی کہ بلاک کی گئی ویب سائٹس کی تفصیلات سیکیورٹی وجوہات اور رازداری کے اصولوں کی بنا پر عام نہیں کی جا سکتیں۔