امریکی صدر ڈونلڈ ٹرمپ نے وائٹ ہاؤس میں پاکستان کے چیف آف آرمی اسٹاف، آرمی چیف عاصم منیر سے دو گھنٹے تک جاری رہنے والی بند کمرے میں تاریخی ملاقات کی اور انہیں ظہرانے پر مدعو کیا۔ آئی ایس آئی کے سربراہ بھی اس تقریب میں موجود تھے۔ ترجمان آئی ایس پی آر کے مطابق صدر ٹرمپ نے عاصم منیر کے “جنگ نہ کرنے” کے فیصلے کو سراہا اور کہا کہ یہ ان کے لیے باعث اعزاز ہے۔ انہوں نے پاکستان اور امریکہ کے درمیان انسداد دہشت گردی تعاون، خطے میں امن، تجارت، مصنوعی ذہانت، توانائی، کانِ معدنیات، کرپٹو کرنسی سمیت متعدد شعبوں میں شراکت پر اتفاق کیا۔ ایران–اسرائیل کشیدگی پر بھی مفصل گفتگو ہوئی اور دونوں ممالک نے پرامن حل کی حمایت کی۔

صدر ٹرمپ نے آرمی چیف عاصم منیر کی قائدانہ صلاحیتوں کو قدر کی نگاہ سے دیکھا اور پاکستان کے ساتھ باہمی تجارتی معاہدوں پر جاری بات چیت کا حوالہ دیا۔ فیلڈ مارشل عاصم منیر نے صدر ٹرمپ کو دورہ پاکستان کی دعوت بھی دی، جبکہ آرمری چیف نے دہشت گردی کے خلاف پاکستان کی کوششوں کا اعتراف بھی کیا۔ واشنگٹن کے اس دورے سے پاکستان–امریکہ تعلقات میں مضبوطی آئی ہے اور خطے میں امن و خوشحالی کے لیے تعاون کی نئی سمت کا تعین ہوا ہے۔

واشنگٹن ڈی سی میں وائٹ ہاؤس کے کیبنٹ روم میں صدر ٹرمپ نے پاکستان کی فوجی قیادت، فیلڈ مارشل سید عاصم منیر کے اعزاز میں ظہرانہ دیا۔ تقریباً دو گھنٹے جاری رہنے والی اس ملاقات میں آئی ایس آئی کے سربراہ بھی شریک ہوئے۔ میڈیا سے گفتگو میں صدر ٹرمپ نے کہا کہ فیلڈ مارشل عاصم منیر سے ملاقات ان کے لیے بہت بڑا “اعزاز” ہے۔ اُنہوں نے عاصم منیر کا شکریہ ادا کیا کہ انہوں نے علاقائی کشیدگی کے عروج پر جنگ کی طرف نہیں جانے دیا اور اس مضبوط فیصلے کی تعریف کی۔

ٹرمپ نے مزید کہا کہ پاکستان اور بھارت دونوں ایٹمی طاقتیں ہیں اور سلامتی کے معاملات میں توازن برقرار رکھنا ضروری ہے۔ اس موقع پر صدر ٹرمپ نے پاکستان کے عہدیداروں کے ساتھ ایران کے معاملے پر بھی بات کی، اور کہا کہ پاکستان کے ساتھ تجارتی معاہدے پر بات چیت جاری ہے، مزید یہ کہ وہ نہیں چاہتے کہ ایران کے ہاتھوں کسی بھی قسم کے جوہری ہتھیار پہنچیں۔

انہوں نے زور دیا کہ امریکہ نے پاکستان اور بھارت کے درمیان نیوکلیئر جنگ کو روکنے میں کلیدی کردار ادا کیا۔ ٹرمپ نے کہا، “پاکستان ایک اہم ایٹمی طاقت ہے، مجھے اس ملک اور اس کے عوام سے بہت لگاؤ ہے