news
گورنر اسٹیٹ بینک جمیل احمد: جون 2025 تک زرمبادلہ ذخائر 14 ارب ڈالر تک پہنچنے کی توقع
گورنر اسٹیٹ بینک جمیل احمد نے حال ہی میں کہا ہے کہ جون 2025ء تک پاکستان کے زرمبادلہ کے ذخائر 14 ارب ڈالر تک پہنچنے کی توقع ہے، جبکہ ترسیلات زر کا مجموعی حجم 38 ارب ڈالر تک بڑھنے کی امید ہے۔ یہ بات انہوں نے پاکستان اسٹاک ایکسچینج میں مالیاتی خواندگی، بینکنگ اور فنانس کے حوالے سے ایک تقریب میں خطاب کرتے ہوئے کہی۔
گورنر اسٹیٹ بینک جمیل احمد نے مزید بتایا کہ اس مالی سال کے دوران ترسیلات زر میں 33 فیصد کا اضافہ ریکارڈ کیا گیا ہے، اور خاص طور پر مارچ کے مہینے میں ترسیلات زر میں ایک تاریخی اضافہ دیکھنے کو ملا۔ انہوں نے یہ بھی کہا کہ ملک میں مہنگائی کی شرح بتدریج کم ہو رہی ہے، جو کہ مانیٹری پالیسی کمیٹی کی توقعات کے مطابق ہے۔
ان کا کہنا تھا کہ اس مالی سال کے دوران کرنٹ اکاؤنٹ سرپلس میں ہے، جبکہ تیل کے علاوہ دیگر درآمدات میں اضافہ ہو رہا ہے، اور آئل امپورٹس میں کمی دیکھی جا رہی ہے۔ اگرچہ اگلے ماہ افراط زر میں کچھ اضافہ متوقع ہے، لیکن مالی سال کے اختتام تک مہنگائی کی شرح 5 سے 7 فیصد کے درمیان رہنے کی امید ہے۔
گورنر جمیل احمد نے اپنی ٹیم پر 98 فیصد اعتماد کا اظہار کیا اور کہا کہ تمام معاشی اقدامات ملک کو استحکام کی جانب لے جا رہے ہیں۔ انہوں نے 2022ء کے معاشی حالات کا ذکر کرتے ہوئے کہا کہ اس وقت ملک کو افراط زر میں تیزی، کرنٹ اکاؤنٹ خسارہ، اور زرمبادلہ ذخائر کی شدید کمی جیسے مسائل کا سامنا تھا۔
لاہور: وزیراعلیٰ پنجاب مریم نوازشریف نے فیک نیوز کے خلاف مؤثر کارروائی کے لیے پنجاب میں اسپیشل ویب پورٹل قائم کرنے کا فیصلہ کیا ہے۔ اس ویب پورٹل کے ذریعے تمام سرکاری محکمے بروقت اور درست معلومات فراہم کریں گے تاکہ عوام کو جھوٹی خبروں سے بچایا جا سکے۔
سیکرٹری داخلہ نورالامین مینگل نے وزیراعلیٰ کے احکامات پر چیئرمین پی آئی ٹی بی کو 24 گھنٹے میں پورٹل تیار کرنے کا ٹاسک سونپ دیا ہے۔
اس کے علاوہ، جنگی اور ہنگامی حالات سے نمٹنے کے لیے خصوصی فنڈز کے قیام پر بھی غور جاری ہے، جبکہ انٹرنل سیکیورٹی کے لیے ایک علیحدہ فنڈ قائم کرنے کی سمری وزیراعلیٰ کو بھیجی جائے گی۔
یہ اقدام سوشل میڈیا پر پھیلنے والی فیک نیوز اور افواہوں کے خلاف حکومت پنجاب کی سنجیدہ کوششوں کا حصہ ہے۔
سائبر سیکیورٹی ماہرین نے خبردار کیا ہے کہ اپریل 2024 سے اپریل 2025 کے درمیان 19 ارب سے زائد پاسورڈز لیک ہوئے، جسے انہوں نے ایک سنگین “سائبر سیکیورٹی بحران” قرار دیا ہے۔
تحقیق کے مطابق 94 فیصد پاسورڈز دوبارہ استعمال کیے گئے یا کاپی شدہ تھے، جبکہ صرف 6 فیصد (تقریباً 1.14 ارب) پاسورڈز منفرد پائے گئے۔
ماہرین کے مطابق لوگوں کی بڑی تعداد ایسے کمزور پاسورڈز استعمال کرتی ہے جو یاد رکھنا آسان ہوں، جیسے “password” اور “admin”۔ تحقیق میں یہ بھی سامنے آیا کہ 4 فیصد پاسورڈز میں “1234” جیسا آسان تسلسل استعمال کیا گیا، جبکہ 8 فیصد پاسورڈز میں لوگوں کے نام شامل تھے۔
سائبر نیوز کی ریسرچر نیرنگا کے مطابق “کمزور اور دوبارہ استعمال شدہ پاسورڈز اب ایک عالمی وبا بن چکے ہیں”۔
سیاست8 years agoنواز شریف منتخب ہوکر دگنی خدمت کریں گے، شہباز کا بلاول کو جواب
انٹرٹینمنٹ8 years agoراحت فتح علی خان کی اہلیہ ان کی پروموشن کے معاملات دیکھیں گی
انٹرٹینمنٹ8 years agoشعیب ملک اور ثنا جاوید کی شادی سے متعلق سوال پر بشریٰ انصاری بھڑک اٹھیں
کھیل8 years agoپاکستانی کرکٹ ٹیم کے سابق کپتان شاہد آفریدی نے ساتھی کھلاڑی شعیب ملک کی نئی شادی پر ان کیلئے نیک خواہشات کا اظہار کیا۔