ایس آئی ایف سی کی مدد سے غیر ملکی سرمایہ کاری میں ایک اہم سنگ میل عبور کر لیا گیا ہے۔

اسپیشل انویسٹمنٹ فیسلٹی کونسل کی پالیسی کے تحت غیر ملکی سرمایہ کاری کے فروغ کے لیے حکومتی اقدامات کے نتیجے میں رواں مالی سال کے پہلے نصف میں غیر ملکی سرمایہ کاری میں 20 فیصد اضافہ ہوا، جو کہ 1.329 ارب ڈالر تک پہنچ گیا۔

ہانگ کانگ، برطانیہ اور سوئٹزرلینڈ کی اہم سرمایہ کاری کے علاوہ چین کا سرمایہ کاری میں 40 فیصد تک نمایاں حصہ ہے۔ عالمی اقتصادی فورم اور ڈیجیٹل کوآپریشن آرگنائزیشن کے مشترکہ منصوبے کے تحت ڈیجیٹل غیر ملکی سرمایہ کاری کا آغاز بھی اسی سلسلے کی ایک کڑی ہے۔

وزیرِ اعظم کی جانب سے ڈیجیٹل غیر ملکی براہِ راست سرمایہ کاری منصوبے کو اقتصادی ترقی کی جانب ایک اہم قدم قرار دیا جا رہا ہے۔ اس میں ای کامرس، سافٹ ویئر ڈویلپمنٹ، آئی ٹی انفراسٹرکچر، اور آن لائن سروسز شامل ہیں۔

عالمی اقتصادی فورم کے تحت پاکستان ڈیجیٹل غیر ملکی براہِ راست سرمایہ کاری منصوبہ اپنانے والا پہلا ملک بن گیا ہے۔ ڈیجیٹل ایف ڈی آئی کی جانب پیشرفت جدید ٹیکنالوجی میں ترقی کے ساتھ ساتھ عالمی مہارت، جدت اور استحکام کا ایک اہم ذریعہ ہے۔

اس منصوبے کا مقصد ایس آئی ایف سی کی سہولت کاری سے پاکستان میں سرحد پار ڈیجیٹل سرمایہ کاری کو فروغ دینا ہے۔

لاہور:
پاکستان کا قومی قرض کم ہوگیا ہے، وزارت خزانہ کی دستاویز کے مطابق 2022ء میں جی ڈی پی کا 73.9 فیصد قرض اب گھٹ کر 67.2 فیصد رہ گیا ہے۔

یہ شہباز شریف حکومت کی ایک بڑی کامیابی ہے اور قرضے کم کرنے کے لیے ٹھوس اقدامات اٹھائے گئے ہیں۔ قانون کے مطابق جی ڈی پی کی مناسبت سے قومی قرض کو 60 فیصد سے کم رکھنا چاہیے تاکہ قرضے اور ان پر سود پاکستانی معیشت کے لیے نقصان دہ نہ ہوں۔

پی ٹی آئی کے دور حکومت میں بے دریغ قرضے لینے کا رجحان مہنگائی میں اضافے کا ایک اہم سبب بنا تھا۔

جب پی ٹی آئی برسراقتدار آئی تو پاکستان پر قومی قرض 24,950 ہزار ارب روپے تھا، لیکن اس کے تین سال آٹھ ماہ کے دور میں 20,558 ہزار ارب کا بیرونی اور اندرونی قرض لیا گیا، جس کے بعد قومی قرض 45,538 ہزار ارب تک پہنچ گیا۔ آنے والی حکومتیں اسے کم نہیں کر سکیں اور اب یہ 71,200 ہزار ارب تک جا پہنچا ہے۔