عالمی یوم عدم تشدد کے موقع پر اپنے ایک بیان میں وزیراعلی مریم نواز نے کہا کہ پنجاب حکومت کسی بھی قسم کے تشدد پھیلانے والوں سے نمٹنے کے لیے ہر وقت تیار ہے۔ یوم عدم تشدد کے موقع پر امن و امان کا پیغام دیتے ہوئے مریم نواز نے کہا کہ عدم تشدد کا راستہ ہی حقیقت میں کامیابی کی ضمانت ہے۔

کسی بھی معاشرے کی ترقی اور فلاح بہبود کے لیے امن اور برداشت کی اشد ضرورت ہے ا۔نہوں نے کہا عدم تشدد کا نظریہ درحقیقت انسانیت کا سب سے بڑا نظریہ ہے ہمیں آپس کے اختلاف رائے کو تشدد اور سختی کی بجائے بات چیت اور افہام و تفہیم سے حل کرنے کی کلچر کو فروغ دینا چاہیے۔

جبکہ دوسری جانب کل نابینہ افراد نے لاہور میں احتجاج کیا اور وزیراعظم ہاؤس جانے کی کوشش کی تو ان کے ساتھ انتہائی سخت رد عمل کا مظاہرہ کیا گیا ان پر لاٹھی چارج اور تشدد کیا گیا۔ ایک ہفتے سے زائد دن ہو گئے احتجاج کرنے والے نابینہ افراد وزیراعظم ہاؤس جا کر وزیراعلی پنجاب سے ملا ملاقات کرنا چاہتے تھے۔

ان کے مطالبات میں شامل تھا کہ ان کے لیے نوکریوں کا بندوبست کیا جائے، نوجوان نابینہ افراد کو باقاعدہ روزگار فراہم کیا جائے اور جو لوگ ڈیلی ویجز پر کام کر رہے ہیں ان کو ریگولر کیا جائے ۔اس مطالبے پر پولیس اور نابینہ افراد کے درمیان شدید قسم کی دھکم پیل ہوئی ۔ لوہے کے بیریرز کے لگا کر انہیں آگے بڑھنے سے روکا گیا، جس سے ٹکرا ٹکرا کر نابینہ افراد زخمی ہو گئے پولیس نے ان پر لاٹھی چارج بھی کی، ان کی وائٹ سٹکس بھی چھین لی گیں