کوئٹہ کے علاقے پشین بائی پاس کے قریب ایک نجی ہسپتال میں دھماکے کے نتیجے میں ایک شخص جاں بحق اور سات افراد زخمی ہوگئے۔ دھماکے نے ہسپتال کی عمارت کو شدید نقصان پہنچایا اور کھڑکیوں کے شیشے ٹوٹ گئے۔ دھماکے کی اطلاع ملتے ہی پولیس کی بھاری نفری اور ریسکیو اہلکار موقع پر پہنچ گئے اور زخمیوں کو فوری طور پر ہسپتال منتقل کیا گیا۔پشین بائی پاس

پولیس حکام کے مطابق، دھماکہ ہسپتال میں گیس لیکج کی وجہ سے ہوا ہے۔ قانون نافذ کرنے والے ادارے واقعے کے شواہد جمع کر رہے ہیں۔ عینی شاہدین کا کہنا ہے کہ دھماکہ گیس لیکج کی وجہ سے ہوا، جس سے ہسپتال کی دیواریں اور کھڑکیاں ٹوٹ گئیں۔ دھماکے کی آواز دور دور تک سنی گئی۔

پاکستان تحریک انصاف کے کارکنوں کی ممکنہ گرفتاریوں کے خلاف عدالت میں چیلنج کیا گیا ہے۔ لاہور ہائیکورٹ میں یہ درخواست انصاف لائرز فارم کی جانب سے ایڈووکیٹ اشتیاق اے خان نے دائر کی، جس میں پی ٹی آئی کارکنوں کی ممکنہ گرفتاریوں کے اقدام کو چیلنج کیا گیا ہے۔ عدالت سے استدعا کی گئی ہے کہ کارکنوں کو گرفتار کرنے اور ہراساں کرنے سے روکا جائے۔

انصاف لائرز فارم کی جانب سے دائر کی گئی درخواست میں آئی جی پنجاب، سی سی پی او لاہور اور دیگر کو فریق بنایا گیا ہے۔ درخواست میں یہ موقف اختیار کیا گیا ہے کہ پرامن جلسہ اور احتجاج کرنا ہر شہری کا آئینی حق ہے۔ 8 فروری کے جلسے سے پہلے کارکنوں کی فہرستیں تیار کر لی گئی ہیں، جس کی وجہ سے گرفتاریاں اور ہراساں کرنے کا خدشہ ہے۔

دوسری جانب، لاہور ہائیکورٹ نے تحریک انصاف کی 8 فروری کو لاہور مینار پاکستان پر جلسے کے لیے درخواست پر ڈی سی لاہور سمیت دیگر فریقین سے جواب طلب کر لیا ہے۔ لاہور ہائیکورٹ کے جسٹس فاروق حیدر نے پی ٹی آئی پنجاب کی چیف آرگنائزر عالیہ حمزہ کی درخواست پر سماعت کی۔ درخواست گزار نے بتایا کہ 8 فروری کو مینار پاکستان گراؤنڈ میں جلسے کی اجازت کے لیے ڈی سی لاہور کو درخواست دی گئی تھی، جو 29 جنوری کو دائر کی گئی، مگر ابھی تک ڈی سی آفس میں کوئی جواب نہیں آیا۔