دنیا کے بڑے شہروں کے رقبے سے بھی بڑے برفانی تودے A23a کے ٹوٹنے کا عمل شروع ہو چکا ہے۔

جاری ہونے والی تازہ ترین سیٹلائیٹ تصاویر میں یہ دکھایا گیا ہے کہ دنیا کے اس سب سے بڑے برف کے تودے کا ایک بڑا حصہ ٹوٹ چکا ہے، جو جنوبی بحر اوقیانوس میں شمال کی جانب بڑھ رہا ہے۔

ٹوٹنے والے حصے کا رقبہ تقریباً 80 مربع کلومیٹر ہے، جبکہ 3360 مربع کلومیٹر کا تودہ ابھی باقی ہے۔

برٹش اینٹارکٹک سروے (بی اے ایس) کے اوشیئنوگرافر اینڈریو میئجر کے مطابق، یہ اس آئس برگ کا پہلا واضح ٹکڑا ہے جو سامنے آیا ہے۔ تاہم، یہ کہنا مشکل ہے کہ آیا یہ اب ٹوٹ کر بکھر جائے گا یا کافی عرصے تک اسی حالت میں رہے گا۔

اس برف کے تودے کا وزن تقریباً 10 کھرب ٹن ہے اور یہ 48 کلو میٹر فی گھنٹہ کی رفتار سے شمال کی جانب جنوبی جورجیا (بحر اوقیانوس کے جنوب میں ایک جزیرہ) کی طرف بڑھ رہا ہے۔

ماہرین کو تشویش ہے کہ جنوبی کوریا پہنچنے کے بعد یہ وہاں پینگوئن اور سیلز جیسی جنگلی حیات کے لیے خطرہ بن سکتا ہے۔

چیف آف آرمی سٹاف جنرل عاصم منیر نے کہا ہے کہ ہم قوم کی خودمختاری اور علاقائی سالمیت کے دفاع میں پوری قوت کے ساتھ مصروف ہیں، اور کسی بھی قسم کی جارحیت کا جواب فوری طور پر دیا جائے گا۔ مسلح افواج کے شعبہ تعلقات عامہ (آئی ایس پی آر) کے مطابق، آرمی چیف نے یوم یکجہتی کشمیر کے موقع پر مظفرآباد کا دورہ کیا، جہاں انہوں نے شہداء کی قربانیوں کو خراجِ عقیدت پیش کیا۔ جنرل عاصم منیر نے جموں و کشمیر یادگار پر پہنچ کر شہداء کے یادگار پر پھول چڑھائے اور ان کی بے مثال قربانیوں کو زبردست خراجِ تحسین پیش کیا۔
آئی ایس پی آر کے مطابق، کشمیری شہداء کو خراجِ عقیدت پیش کرتے ہوئے آرمی چیف نے کشمیر میں چیلنجنگ آپریشنل حالات کے باوجود تعینات افسروں اور سپاہیوں کی غیر متزلزل لگن، پیشہ ورانہ عمدگی اور جنگی تیاری کی تعریف کی۔ انہوں نے ان کے بلند حوصلے اور چوکسی کی تعریف کی اور آپریشنل تیاری کو بلند رکھنے کی اہمیت پر زور دیا تاکہ کسی بھی دشمنانہ اشتعال انگیزی کا مؤثر جواب دیا جا سکے۔

مسلح افواج کے شعبہ تعلقات عامہ نے بتایا کہ آرمی چیف نے کشمیر کی اہم شخصیات اور بزرگوں سے ملاقات کی اور مقبوضہ جموں و کشمیر کے عوام کے لیے پاکستان کی مستقل حمایت کا اعادہ کیا۔ اس موقع پر جنرل عاصم منیر نے کہا کہ بھارت کے مظالم اور بڑھتی ہوئی ہندوتوا کے خلاف ہماری جدوجہد جاری رہے گی۔