حال ہی میں ایک حیران کن فون کیس مارکیٹ میں آیا ہے۔ اسے میٹر نیوروسائنس نامی کمپنی نے متعارف کرایا ہے۔ اس منفرد آلے کا نام 6 پاؤنڈ فون کیس ہے۔ کمپنی کا دعویٰ ہے کہ یہ کیس لوگوں کو اسمارٹ فون کا استعمال کم کرنے میں مدد دے گا۔

یہ کیس عام فون کیسز سے بہت مختلف ہے۔ اس کا وزن تقریباً 6 پاؤنڈ یعنی 2.7 کلوگرام ہے۔ وزن کی وجہ سے فون اٹھانا اور مسلسل استعمال کرنا مشکل ہو جاتا ہے۔ یوں صارف کا فون پر وقت ضائع کرنے کا امکان کم رہتا ہے۔

6 پاؤنڈ فون کیس اسٹینلیس اسٹیل سے تیار کیا گیا ہے۔ یہ دو حصوں پر مشتمل ہے، جو اسکرو کے ذریعے مضبوطی سے جوڑ دیئے جاتے ہیں۔ اسے اتارنا آسان نہیں، اور یہی چیز اسے مزید منفرد بناتی ہے۔

کمپنی کے مطابق، جب فون استعمال کرنا جسمانی طور پر تھکا دینے والا بن جائے، تو لوگ غیر ضروری اسکرولنگ سے بچتے ہیں۔ یہی اس ڈیوائس کا مقصد ہے۔

فی الحال یہ کیس آئی فون کے چند ماڈلز کے لیے مناسب ہے۔ فہرست میں آئی فون 13 سے 17 تک شامل ہیں۔ یہ پروڈکٹ کراؤڈ فنڈنگ مہم کے ذریعے پیش کی گئی ہے۔ اس کی قیمت تقریباً 209 ڈالر رکھی گئی ہے۔ کمپنی کا کہنا ہے کہ پہلی شپمنٹس جنوری 2026 کے بعد بھیجی جائیں گی۔

اسپیشل کمیونکیشن آرگنائزیشن نے اپنے ویژن 2025 کے تحت نوجوانوں کو بااختیار بنانے کے عزم کو دو ہے۔ ادارے کا کہنا ہے کہ ٹیکنالوجی کے شعبے میں بہتر مواقع پیدا کرنا ان کی اولین ترجیح ہے۔

تفصیلات کے مطابق آزاد جموں و کشمیر اور گلگت بلتستان میں جدید آئی ٹی انفراسٹرکچر تیار کیا گیا۔ ایس سی او نے 100 آئی ٹی سیٹ اپس قائم کیے۔ ان اقدامات سے نوجوانوں کو سیکھنے اور کمائی کے نئے مواقع مل رہے ہیں۔

ایس سی او ویژن 2025 کے تحت 700 سے زائد نوجوانوں کو روزگار ملا۔ مزید 1500 فری لانسرز کو بااختیار بنایا گیا۔ ادارہ نوجوانوں کے لیے ہنرمندی، تربیت اور ڈیجیٹل روزگار کو بڑھانے میں مصروف ہے۔

خصوصی طور پر خواتین کے لیے پاکستان کا پہلا سافٹ ویئر ٹیکنالوجی پارک مظفرآباد میں بنایا گیا۔ اسی وژن کے تحت خصوصی افراد کے لیے خودمختار رہائشی مراکز بھی قائم کیے گئے۔ مقصد یہ ہے کہ ہر طبقہ ٹیکنالوجی سے فائدہ اٹھا سکے۔

ڈی جی ایس سی او کے مطابق آزاد کشمیر اور گلگت بلتستان میں مشترکہ طور پر 100 آئی ٹی پارکس مکمل کیے جا چکے ہیں۔ ان منصوبوں سے خطے کو تقریباً 20 ملین ڈالر کا غیر ملکی زرمبادلہ حاصل ہوا۔

ان کا کہنا تھا کہ یہ تمام پارکس صرف دو سال کے ریکارڈ عرصے میں مکمل ہوئے۔ ایس سی او ویژن 2025 علاقے میں آئی ٹی انقلاب اور نوجوانوں کی معاشی خود مختاری کے لیے اہم سنگ میل ہے۔