امریکا میں ایمیزون ویب سروسز (AWS) میں اچانک آنے والی خرابی کے باعث دو ہزار سے زائد ویب سائٹس بند ہوگئیں۔ رپورٹ کے مطابق رابن ہڈ اور وینمو جیسے بڑے پلیٹ فارم بھی متاثر ہوئے۔ ماہرین کا کہنا ہے کہ مسئلہ امریکا کے مشرقی حصے میں ڈی این ایس سسٹم کی خرابی کے باعث پیدا ہوا۔ ایمیزون کے ترجمان نے تصدیق کی ہے کہ کمپنی اس مسئلے سے آگاہ ہے اور خرابی کی وجوہات معلوم کرنے کے لیے تحقیقات جاری ہیں۔ اس تکنیکی مسئلے کے باعث یو ایس ایسٹ سے منسلک عالمی سروسز بھی متاثر ہو سکتی ہیں۔

سوئٹزر لینڈ کے سائنسدانوں نے انسانی دماغی خلیوں سے سپر کمپیوٹر تیار کرنے کا انقلابی منصوبہ شروع کیا ہے۔ سائنسدانوں کے مطابق انسانی دماغی خلیوں سے سپر کمپیوٹر بنانے کا مقصد موجودہ مصنوعی ذہانت (AI) چِپس کی جگہ بائیو کمپیوٹنگ سسٹم متعارف کرانا ہے۔ اس جدید ٹیکنالوجی کو “ویٹ ویئر” یا بائیو کمپیوٹنگ کہا جا رہا ہے، جو دماغی خلیات کی مدد سے کمپیوٹر کو طاقت فراہم کرے گی۔

سوئس اسٹارٹ اپ فائنل اسپارک کے شریک بانی فریڈ جارڈن کا کہنا ہے کہ انسانی نیورونز مصنوعی چِپس کے مقابلے میں دس لاکھ گنا زیادہ توانائی مؤثر ہیں، اور مستقبل میں یہ ٹیکنالوجی توانائی کے بحران کا حل بن سکتی ہے۔ لیب میں تیار کردہ دماغی خلیے چھوٹے برین آرگنوئیڈز کی شکل میں محفوظ کیے جا رہے ہیں جو چھ ماہ تک زندہ رہ سکتے ہیں۔

امریکی جامعات انہی خلیوں پر الزائمر اور آٹزم جیسے امراض پر تحقیق کر رہی ہیں۔ سائنسدانوں کا کہنا ہے کہ اگلے 20 برسوں میں بائیو کمپیوٹنگ ٹیکنالوجی مصنوعی ذہانت میں ایک بڑا انقلاب لا سکتی ہے۔ تاہم ماہرین نے واضح کیا ہے کہ یہ دماغی خلیے کسی قسم کا شعور یا احساس نہیں رکھتے۔

یہ پیشرفت مستقبل کے سپر کمپیوٹرز کی دنیا میں ایک نیا باب کھول سکتی ہے، جہاں مصنوعی ذہانت کو حقیقی انسانی