معروف بھارتی وکیل ماجد میمن نے انکشاف کیا ہے کہ جج کی سری دیوی کو دیکھنے کی خواہش پر انہیں ذاتی طور پر عدالت میں طلب کیا گیا تھا۔

ایک حالیہ انٹرویو میں وکیل ماجد میمن نے ماضی کی مشہور آنجہانی اداکارہ سری دیوی سے جڑا ایک دلچسپ واقعہ بیان کیا۔ انہوں نے بتایا کہ اپنے عروج کے دور میں سری دیوی کو ایک مقدمے کے سلسلے میں عدالت میں بلایا گیا، اور جج کی خواہش تھی کہ وہ انہیں ذاتی طور پر دیکھیں۔

ماجد میمن، جو کئی معروف فلمی شخصیات کے قانونی مقدمات میں وکیل رہ چکے ہیں، نے انکشاف کیا کہ جب سری دیوی عدالت میں پیش ہوئیں تو بے شمار لوگ جمع ہو گئے۔ ان کے مطابق، عدالت میں موجود ہجوم اداکارہ کی مقبولیت کا واضح ثبوت تھا۔

یاد رہے کہ ماجد میمن نے اپنی کتاب میں دیگر مشہور مقدمات کا بھی ذکر کیا، جن میں بھارتی پروڈیوسر بھارت شاہ کا کیس بھی شامل ہے۔ اس کیس میں شاہ رخ خان اور سلمان خان نے گواہ کے طور پر پیش ہو کر اپنے بیانات تبدیل کر دیے تھے۔

تاہم، ماجد میمن نے وضاحت کی کہ ان ستاروں کے نام لینے میں انہیں کوئی ہچکچاہٹ نہیں تھی کیونکہ وہ صرف اس کیس کے اصل حقائق پیش کر رہے تھے۔

ماجد میمن کا فلمی دنیا سے گہرا تعلق رہا ہے اور انہوں نے اپنے حالیہ انٹرویو میں دلیپ کمار، سنیل دت اور مہیش بھٹ جیسے بڑے ناموں کے ساتھ اپنی ملاقاتوں کا بھی ذکر کیا۔

شوبز انڈسٹری میں کرکٹرز اور اداکاراؤں کے معاشقے کوئی نئی بات نہیں۔ ماضی میں بھی کئی کھلاڑیوں کے بالی ووڈ حسیناؤں کے ساتھ تعلقات رہے ہیں، جن میں سے کچھ تو شادی کے بندھن میں بندھ گئے اور کچھ محض افواہوں تک محدود رہے۔

کرکٹ کی دیوانگی اور بالی ووڈ کی چمک دمک ایک دوسرے کو کشش کرتی ہیں۔ یہی وجہ ہے کہ کئی مشہور اداکارائیں پاکستانی کرکٹرز کے سحر میں بھی مبتلا رہیں۔ رینا رائے اور محسن خان کی محبت کی داستان بھی ایسی ہی ایک مثال ہے، اگرچہ ان کا رشتہ زیادہ دیر نہ چل سکا۔

شعیب ملک اور ثانیہ مرزا، دو مختلف کھیلوں کے ستارے، ایک بندھن میں بندھے، لیکن ان کی کامیاب جوڑی بھی آخرکار ٹوٹ گئی۔ اب ایک نئی جوڑی کی افواہیں گردش کر رہی ہیں، اور وہ ہے بھارتی اداکارہ ماہرہ شرما اور کرکٹر محمد سراج کی۔

ماہرہ شرما، جو ’’ناگن 3‘‘ اور ’’بگ باس 13‘‘ جیسے مشہور شوز میں نظر آ چکی ہیں، اپنی خوبصورتی اور اداکاری کے لیے جانی جاتی ہیں۔ دوسری جانب، محمد سراج، انڈین کرکٹ ٹیم کے ابھرتے ہوئے فاسٹ بولر ہیں، جو اپنی تیز رفتار گیند بازی کے لیے مشہور ہیں۔

سراج اور ماہرہ کے درمیان معاشقے کی افواہیں اس وقت زور پکڑیں جب سوشل میڈیا پر ان کی تصاویر ایک ساتھ نظر آئیں۔ کہا جا رہا ہے کہ دونوں ایک دوسرے کو ڈیٹ کر رہے ہیں، لیکن ابھی تک کسی نے اس کی تصدیق یا تردید نہیں کی ہے۔

ماہرہ شرما کا ماضی بھی کچھ کم دلچسپ نہیں ہے۔ محمد سراج سے پہلے ان کا نام اداکار پارس چھابڑا کے ساتھ جوڑا جاتا تھا۔ دونوں کی ملاقات بگ باس 13 کے گھر میں ہوئی تھی، لیکن ان کا رشتہ زیادہ دیر نہ چل سکا۔

محمد سراج کے حوالے سے بھی کچھ افواہیں گردش کر چکی ہیں۔ کچھ عرصہ قبل ان کا نام آشا بھوسلے کی نواسی زنائی بھوسلے کے ساتھ جوڑا جا رہا تھا، لیکن زنائی نے فوری طور پر ان افواہوں کی تردید کر دی تھی۔

اب دیکھنا یہ ہے کہ ماہرہ اور سراج کے درمیان تعلقات کی یہ افواہیں کب تک دم توڑتی ہیں، یا پھر ان کی محبت کی کوئی نئی داستان رقم ہوتی ہے۔ شوبز اور کرکٹ کی دنیا میں ایسی افواہیں اکثر اٹھتی رہتی ہیں، لیکن کچھ جوڑیاں ایسی بھی ہیں جو حقیقت میں بدل جاتی ہیں۔ کیا ماہرہ اور سراج کی کہانی بھی ایسی ہی کوئی نئی داستان بنے گی؟