بیجنگ:
ورک فرام ہوم کا زمانہ اب پرانا ہو چکا، اب دور ہے ورک فرام بیچ کا! کیونکہ چینی ماہرین نے ایسا انقلابی لیپ ٹاپ تیار کر لیا ہے جو شمسی توانائی سے باآسانی چارج ہو جاتا ہے۔

یہ جدید لیپ ٹاپ چین کی ایک معروف ٹیکنالوجی کمپنی نے Mobile World Congress 2025 میں متعارف کروایا۔ کمپنی کا دعویٰ ہے کہ یہ لیپ ٹاپ صرف 20 منٹ سورج کی روشنی میں رکھنے سے اتنی توانائی حاصل کر لیتا ہے کہ اس پر 1 گھنٹے تک ویڈیو پلے بیک کیا جا سکتا ہے۔

لیپ ٹاپ کا ڈیزائن انتہائی ہلکا اور سمارٹ ہے — اس کی موٹائی صرف 15 ملی میٹر اور وزن محض 1.22 کلوگرام ہے۔ اس کے پچھلے حصے میں جدید چھوٹے شمسی توانائی نصب کیے گئے ہیں جو کسی بھی کھلی جگہ جیسے ساحل سمندر، پارک یا چھت پر کام کرنے کی آزادی فراہم کرتے ہیں۔

یہ لیپ ٹاپ نہ صرف بیٹری کے مسائل کا بہترین حل ہے بلکہ مستقبل میں مکمل موبائل ورک اسٹیٹ اپ کے خواب کو بھی حقیقت کا روپ دے سکتا ہے۔

ماہرین کا کہنا ہے کہ یہ ٹیکنالوجی ماحولیاتی لحاظ سے بھی سازگار ہے اور دور دراز علاقوں میں بجلی کے بغیر کام کرنے والوں کے لیے ایک بہترین آپشن ثابت ہو سکتی ہے۔

اسلام آباد:
ملک میں چینی کی قلت اور بڑھتی ہوئی قیمتوں پر قابو پانے کے لیے حکومت نے اہم فیصلہ کر لیا ہے۔ وفاقی وزیر برائے غذائی تحفظ و تحقیق رانا تنویر حسین کی زیر صدارت شوگر ایڈوائزری بورڈ کا اجلاس منعقد ہوا جس میں چینی کی صورتحال کا تفصیلی جائزہ لیا گیا۔ اجلاس میں فیصلہ کیا گیا کہ ملک میں چینی کی فراہمی کو بہتر بنانے اور قیمتوں کو مستحکم رکھنے کے لیے پانچ لاکھ ٹن چینی درآمد کی جائے گی۔

اجلاس کے دوران یہ انکشاف بھی سامنے آیا کہ شوگر مل مالکان کی من مانی اور منافع خوری چینی کی قیمتوں میں اضافے کی ایک بڑی وجہ ہے، جس پر قابو پانے کے لیے سخت مانیٹرنگ کا فیصلہ کیا گیا ہے۔

وفاقی وزیر رانا تنویر حسین نے اجلاس میں کہا کہ شوگر کی قیمتوں کو کنٹرول میں رکھنے کے لیے درآمد کا فیصلہ ناگزیر تھا کیونکہ ملک بھر میں چینی کی سپلائی میں نمایاں کمی دیکھی گئی ہے۔ انہوں نے یقین دلایا کہ درآمدی شوگر کی رسمی کارروائیاں آئندہ چند روز میں مکمل کر لی جائیں گی، جس کے بعد اسے فوری طور پر مارکیٹ میں لایا جائے گا تاکہ صارفین کو ریلیف فراہم کیا جا سکے۔

حکومت کے اس اقدام سے امید کی جا رہی ہے کہ شوگر کی قیمتوں میں استحکام آئے گا اور عوام کو بڑھتی مہنگائی سے کچھ ریلیف حاصل ہوگا۔