چیمپئنز ٹرافی 2025ء میں پاکستان کے پاس اب غلطی کی کوئی گنجائش نہیں، اگر ٹورنامنٹ میں آگے جانا ہے تو اتوار کو بھارت کو ہر صورت ہرانا ہوگا۔
اگرچہ ابھی ٹورنامنٹ میں گروپ اے کے صرف دو میچز ہی ہوئے ہیں، لیکن چیمپئنز ٹرافی میں ہر میچ کی اہمیت بہت زیادہ ہے اور یہ ناک آؤٹ کی حیثیت رکھتا ہے۔

دفاعی چیمپئن پاکستان کو اگر 23 فروری کو بھارت کے خلاف شکست کا سامنا کرنا پڑا تو گرین شرٹس کے سیمی فائنل میں پہنچنے کے امکانات تقریباً ختم ہو جائیں گے۔

ایسی صورت میں قومی ٹیم صرف اس صورت میں سیمی فائنل میں پہنچے گی جب وہ آخری میچ بنگلا دیش کے خلاف جیت جائے۔ اسی طرح بنگلا دیش، نیوزی لینڈ اور بھارت میں سے کوئی ایک ٹیم دو اور باقی صرف ایک ایک میچ جیتے، اور پھر رن ریٹ بھی بہتر کرنا ہوگا۔

وزیر دفاع خواجہ آصف نے کہا ہے کہ بانی پی ٹی آئی عمران خان نے آرمی چیف کو قوم کا باپ قرار دیا، اور جس کو باپ کہتے تھے، اسی کے بارے میں بد زبانی کرتے ہیں۔ بانی پی ٹی آئی چاہتے تھے کہ فوج ان کی جماعت کا ذیلی ادارہ بن جائے۔ اپنے ایک انٹرویو میں وزیر دفاع کا کہنا تھا کہ عمران خان اڈیالہ جیل سے آرمی چیف کو خط پر خط لکھ کر ترلے کر رہے ہیں۔

پاکستان تحریک انصاف کا طرز عمل ہرگز سیاسی نہیں ہے۔ عمران خان فیض حمید کو آرمی چیف بنانا چاہتے تھے۔ انہوں نے کہا کہ اقتدار سے محرومی کے بعد پی ٹی آئی اپنے زخم چاٹ رہی ہے اور اپنے مذموم مقاصد کے لیے 9 مئی اور 26 نومبر کے واقعات کو رونما کیا گیا۔

قومی املاک پر حملے اور شہدا کی یادگاروں کی بے حرمتی کے واقعات ایک حقیقت ہیں۔

پی ٹی آئی والوں کی سیاست صرف ایک ذات کے لیے ہے۔ انہیں ملک کی فکر نہیں ہے۔ خواجہ آصف نے مزید کہا کہ آرمی چیف جنرل عاصم منیر برطانیہ کے اہم دورے پر ہیں، جہاں دونوں ملکوں کے درمیان اہم سفارتی، عسکری اور معاشی تعلقات ہیں۔ انہوں نے کہا کہ مختلف شعبوں میں تعلقات مثالی ہیں۔ آرمی چیف کے خلاف منفی مہم چلائی جا رہی ہے۔