news
عمران خان کا آرمی چیف کے نام کھلا خط – اہم نکات
عمران خان نے آرمی چیف کے نام اپنے پیغام میں کہا ہے کہ دنیا بھر میں ترقی ہو رہی ہے، مگر ہم ایک مخالف سمت میں جا رہے ہیں۔ یہاں تو 21ویں صدی میں یہ حال ہے کہ انٹرنیٹ تک بند ہے۔ آئی ٹی کے اس دور میں لوگ نہ صرف تعلیمی اور سماجی بلکہ معاشی طور پر بھی انٹرنیٹ پر انحصار کرتے ہیں، اور انٹرنیٹ کی بندش سے پہلے سے ہی مشکلات کا شکار معیشت مزید متاثر ہو رہی ہے۔
تفصیلات کے مطابق، سابق وزیر اعظم عمران خان نے اڈیالہ جیل سے آرمی چیف کے نام تیسرا کھلا خط لکھا ہے۔ اپنے خط میں انہوں نے کہا کہ “میں اپنی ذات کے لیے کوئی ڈیل یا اپنی جماعت کے لیے کسی رعایت کا مطالبہ نہیں کر رہا۔ بطور سابق وزیراعظم اور محب وطن پاکستانی، میری صرف یہ خواہش ہے کہ ہماری فوج کی ساکھ بحال ہو اور وطن عزیز کا مفاد محفوظ رہے۔”
اس کے باوجود کہ فوج دہشت گردی کے خلاف جنگ لڑ رہی ہے اور روزانہ شہادتیں ہو رہی ہیں، اسٹیبلشمنٹ کی پالیسیوں کی وجہ سے عوام اور فوج کے درمیان ہم آہنگی نہیں ہے۔ میں آئی ایس پی آر سے درخواست کرتا ہوں کہ جھوٹا بیانیہ پیش نہ کیا جائے۔ بار بار یہ کہنا کہ فوج سیاست میں مداخلت نہیں کرتی، قوم کی عقل کی توہین ہے۔ سوشل میڈیا کے اس دور میں کچھ بھی چھپانا ممکن نہیں، ملک کا ہر بچہ جانتا ہے کہ آرمی چیف ہی اس ملک کا نظام چلاتے ہیں۔ .
وفاقی وزیر رانا تنویر حسین نے واضح کیا ہے کہ یوٹیلیٹی سٹورز کو بند نہیں کیا جائے گا، بلکہ نجی شعبے کے تعاون سے ان کی بہتری کی کوشش کی جائے گی۔ حکومت نے ایوان بالا میں پالیسی بیان دیتے ہوئے کہا کہ یوٹیلیٹی سٹورز کی بندش کا کوئی ارادہ نہیں، بلکہ نظام کو بہتر بنا کر ان کی نجکاری کی جائے گی۔ ایوان میں یوٹیلیٹی سٹورز کی بندش کے حوالے سے سوال کا جواب دیتے ہوئے وزیر صنعت و پیداوار رانا تنویر حسین نے بتایا کہ ہم یوٹیلیٹی سٹورز کو بند نہیں کریں گے، بلکہ ان کی نجکاری کے لیے اصلاحاتی عمل جاری ہے۔
ہر سال یوٹیلیٹی سٹورز کو 50 ارب روپے کی سبسڈی دی جاتی ہے۔ پچھلے سال رمضان پیکج کے تحت ان کو 17 ارب روپے کی سبسڈی ملی تھی۔ اس سال حکومت نے رمضان پیکج کے لیے 20 ارب روپے کی سبسڈی مختص کی ہے۔ انہوں نے کہا کہ پہلی بار 40 لاکھ افراد کو رمضان پیکج کے تحت نقد امداد فراہم کی جائے گی۔
وفاقی وزیر نے مزید کہا کہ صرف غیر منافع بخش سٹورز بند کیے جائیں گے۔
مستقل اور کنٹریکٹ ملازمین کے حقوق کا تحفظ یقینی بنایا جائے گا۔ رانا تنویر حسین نے یہ بھی کہا کہ یوٹیلیٹی سٹورز کے ذریعے رمضان پیکج کے تجربات کامیاب نہیں رہے، کیونکہ غریب لوگوں کو معیاری اشیاء فراہم نہیں کی جا سکیں۔ سینیٹ اجلاس میں پیپلز پارٹی کے سینیٹرز شہادت اعوان اور شیری رحمٰن نے سرکاری ملازمین کے دو روز سے جاری احتجاج کا معاملہ اٹھایا۔
قومی اسمبلی میں اپوزیشن لیڈر اور پی ٹی آئی رہنما عمر ایوب نے کہا ہے کہ ملاقات کے دوران چیف جسٹس کو بتایا گیا کہ ہم 26 ویں آئینی ترمیم کو تسلیم نہیں کرتے۔ انہوں نے کہا کہ 26 ویں ترمیم کا متن اور طریقہ کار غلط تھا۔ عدالتی حکم کے باوجود بانی پی ٹی آئی سے ملاقات کا وقت تبدیل ہو جاتا ہے۔ اپوزیشن لیڈر نے سلمان اکرم راجا اور دیگر رہنماﺅں کے ہمراہ پریس کانفرنس کرتے ہوئے کہا کہ ہم نے چیف جسٹس سے ملاقات میں 9 مئی اور 26 نومبر کے معاملے پر بانی پی ٹی آئی عمران خان کے خطوط کا ذکر کیا۔
چیف جسٹس کے سامنے سینیٹرز اور ممبران اسمبلی کے پروڈکشن آرڈر کا معاملہ بھی پیش کیا گیا۔ ہم نے وکلا کو ڈرانے سے متعلق تفصیلات بھی چیف جسٹس کو بتائیں اور وکلا پر فیک ایف آئی آرز کا ذکر کیا۔
گزشتہ جیل ٹرائل میں بانی پی ٹی آئی سے چیف جسٹس سے ملاقات کی اجازت لی گئی تھی۔ ہم بانی کی اجازت کے بعد ملاقات کے لیے آئے۔ بانی نے کہا تھا کہ ملٹری کورٹ کے حوالے سے بھی بات کرنی ہے۔
چیف جسٹس پاکستان کو انصاف کی فراہمی میں حائل مسائل سے آگاہ کیا گیا۔ ملاقات کے دوران پولیس گردی اور ریاستی جبر کا معاملہ بھی اٹھایا گیا۔ سرگودھا انسداد دہشتگردی عدالت کا معاملہ بھی چیف جسٹس کے سامنے رکھا گیا۔ انہوں نے کہا کہ چیف جسٹس سے ایک طویل میٹنگ ہوئی ہے، جس میں ہمارے ہر رکن نے اپنی بات رکھی۔
سیاست8 years agoنواز شریف منتخب ہوکر دگنی خدمت کریں گے، شہباز کا بلاول کو جواب
انٹرٹینمنٹ8 years agoراحت فتح علی خان کی اہلیہ ان کی پروموشن کے معاملات دیکھیں گی
کھیل8 years agoپاکستانی کرکٹ ٹیم کے سابق کپتان شاہد آفریدی نے ساتھی کھلاڑی شعیب ملک کی نئی شادی پر ان کیلئے نیک خواہشات کا اظہار کیا۔
انٹرٹینمنٹ8 years agoشعیب ملک اور ثنا جاوید کی شادی سے متعلق سوال پر بشریٰ انصاری بھڑک اٹھیں