ماہرین نفسیات نے خبردار کیا ہے کہ اے آئی ٹیکنالوجی کی انسانی تجربے اور حقیقی فہم کی کمی عوام میں اس کی اخلاقیات سے متعلق فیصلوں کی قبولیت کو محدود کر سکتی ہے۔

آرٹیفیشل مورل ایڈوائزرز (AMAs) ایسے مصنوعی ذہانت پر مبنی نظام ہیں جو قائم شدہ اخلاقی نظریات، اصولوں یا رہنما خطوط کی بنیاد پر انسانوں کی مدد کرتے ہیں تاکہ وہ اخلاقی فیصلے کر سکیں۔

اگرچہ ان کے پروٹوٹائپس تیار کیے جا رہے ہیں، لیکن AMAs کو ابھی تک مستقل، تعصب سے پاک سفارشات اور عقلی اخلاقی مشورے فراہم کرنے کے لیے استعمال نہیں کیا جا رہا۔

یونیورسٹی آف کینٹ کے اسکول آف سائیکالوجی کی جانب سے کی گئی تحقیق میں کہا گیا ہے کہ جیسے جیسے اے آئی سے چلنے والی مشینیں اپنی تکنیکی صلاحیتوں میں اضافہ کرتی ہیں اور اخلاقی ڈومین میں داخل ہوتی ہیں، ہمیں یہ سمجھنے کی ضرورت ہے کہ لوگ ان مصنوعی اخلاقی مشیروں کے بارے میں کیا سوچتے ہیں۔

ماہرین نے پایا کہ اگرچہ مصنوعی ذہانت میں غیر جانبدارانہ اور عقلی مشورہ دینے کی صلاحیت ہو سکتی ہے، لیکن لوگ اب بھی اخلاقیات کے معاملے میں اس پر مکمل اعتماد نہیں کرتے۔

وال اسٹریٹ جرنل نے رپورٹ کیا ہے کہ ایکس کے سربراہ ایلون مسک اور دیگر سرمایہ کاروں کے ایک گروپ نے چیٹ جی پی ٹی کی مالک کمپنی اوپن اے آئی کو 97.4 ارب ڈالر میں خریدنے کی پیشکش کی ہے۔

نیویارک ٹائمز نے اس صورتحال کو ایلون مسک اور اوپن اے آئی کے چیف ایگزیکٹیو سیم آلٹمن کے درمیان مصنوعی ذہانت کے حوالے سے جاری برسوں پر محیط نجی تنازعے میں اضافے کے طور پر بیان کیا ہے۔ اگرچہ دونوں شخصیات اوپن اے آئی کے بانی ہیں، لیکن اب بورڈ آف ڈائریکٹرز سیم آلٹمن کے ساتھ ہم آہنگ ہیں۔

سیم آلٹمن نے اپنے سابق شراکت دار کو ایکس پر جواب دیتے ہوئے کہا کہ آپ کا شکریہ، لیکن اگر آپ چاہیں تو ہم ٹوئٹر کو 9.74 ارب ڈالر میں خرید لیں گے۔

اس پر ایلون مسک نے سیم آلٹمن کو ‘دھوکے باز’ قرار دیا۔

قریبی ذرائع کے مطابق اوپن اے آئی نے اس پیشکش پر غور نہیں کیا ہے۔ یہ پیشکش ایک کنزوشیم کی جانب سے دی گئی ہے جس میں وی وائے کیپیٹل اور شائی (جو ایلون مسک کی اے آئی کمپنی ہے) شامل ہیں، جبکہ اوپن اے آئی نے فنڈ ریزنگ کی کوششوں پر توجہ مرکوز کرنے کا فیصلہ کیا ہے۔