وفاقی وزیر داخلہ محسن نقوی نے کہا ہے کہ غیر قانونی طور پر اسلام آباد میں مقیم افراد کو رہنے نہیں دیا جائےگا
انہوں نے کہا کہ غیر قانونی طور پر مقیم غیر ملکی افراد کو اسلام آباد میں رہنے کی کسی صورت اجازت نہیں دی جائے گی
پاکستان کے وفاقی وزیر داخلہ محسن نقوی نے امریکہ کی قائم مقام سفیر نیٹلی بیکر سے اسلام آباد میں ملاقات کی ملاقات کے اندر دونوں ممالک کی طرف سے دو طرفہ تعاون کے فروغ پر تبادلہ خیال کیا گیا دوران گفتگو آئی سی سی چیمپینز ٹرافی ٹورنامنٹ کے انعقاد پر بھی بات کی گئی نیٹلی بیکر نے چیمپینز ٹرافی کے پاکستان میں انعقاد کے حوالے سے نیک تمناؤں کا اظہار کیا اس موقع پر انہوں نے گزشتہ دنوں اسلام آباد میں ہونے والے دلخراش واقعے پر پولیس اور رینجرز اہلکاروں کی شہادت کے حوالے سے بھی تعزیت کی
وفاقی وزیر داخلہ نے کہا کہ قانونی دستاویزات رکھنے والے کسی بھی غیر ملکی کو اسلام آباد سے نہیں نکالا جائے گا البتہ ایسے غیر ملکی افراد جو پاکستان میں غیر قانونی طور پر رہائش پذیر ہیں انہیں کسی صورت بھی دارلحکومت میں رہنے کی اجازت نہیں دی جائے گی
انہوں نے مزید کہا ہے کہ ہم ایف آئی اے کو ایف بی آئی کی طرز پر جدید ترین سہولیات سے مزین ادارہ بنانا چاہتے ہیں اور ہم ایف آئی اے اصلاحات کے حوالے سے معاونت کرنے پر امریکہ کے شکر گزار ہیں اور ان کا خیر مقدم کرتے ہیں
وفاقی وزیر داخلہ کا کہنا ہے کہ قانون کا نفاذ کرنے والے اداروں کی اہلیت اور استعداد کار کو بڑھانے میں امریکی تعاون انتہائی اہمیت رکھتا ہے انہوں نے کہا کہ ملک کو درپیش ہنگامی حالات سے نمٹنے کے لیے سول آرمڈ فورسز کو جدید آلات فراہم کرنا وقت کی اہم ضرورت ہے سول آرمڈ فورسز کو جدید ترین سہولیات اور آلات سے لیس کرنا وقت کی اہم ضرورت ہے انہوں نے مزید کہا کہ پاکستان اور امریکہ کے درمیان تعلقات کئی دہائیوں پر مشتمل ہیں