چینی کمپنی کی طرف سے صوبہ پنجاب میں روبوٹک زرعی آلات کا مینوفیکچرنگ پلانٹ لگایا جائے گا
تفصیلات کے مطابق وزیراعلی پنجاب مریم نواز شریف نے چین کے دورہ کے دوران دارالحکومت بیجنگ میں کاشت کاروں اور زراعت کو ترقی دینے کے حوالے سے مفاہمتی یادداشت پر دستخط کیے جس کے مطابق چینی کمپنی پنجاب میں روبوٹک زرعی آلات کا مینوفیکچرنگ پلانٹ لگائے گی
ذرائع کے مطابق محکمہ زراعت پنجاب اور اے آئی فورس ٹیک کے درمیان مفاہمتی یادداشت پر دستخط کی تقریب کے حوالے سے بتایا گیا کہ اس تقریب میں وزیر اعلیٰ پنجاب مریم نواز شریف بھی شریک ہوئیں اور انہوں نے اے آئی فورس ٹیک کے بانی ڈاکٹر ہان اور سی ای او سے بھی ملاقات کی اور صوبے میں جدید زرعی آلات کے حوالے سے انہیں آگاہ کیا
وزیراعلی پنجاب مریم نواز شریف نے روبوٹک ٹیکنالوجی سے بہراور جدید زرعی حالات کا معائنہ کرتے ہوئے صوبے میں ایگریکلچر سیکٹر کے اندر روبوٹک مشینری اور ٹولز متعارف کروانے کے عزم کا اظہار کیا
اپنی گفتگو کے دوران مریم نواز شریف نے کہا کہ زراعت کے شعبے کو جدید ٹیکنالوجی سے مزین کرنا اور کاشتکاروں کو خوشحال بنانا ہمارا اولین فرض ہے اے آئی فورس ٹیک پنجاب میں روبوٹک ذرعی آلات کا مینوفیکچرنگ پلانٹ شروع کرنے جا رہی ہے اس حوالے سے اے آئی فورس ٹیک کا وفد بہت جلد پنجاب کا دورہ کرے گا
یہ بھی کہا گیا ہے کہ وزیراعلی پنجاب مریم نواز شریف پاکستان کی پہلی خاتون وزیر اعلیٰ کی حیثیت سے دورہ چین کے لیے بیجنگ گئی ہیں جہاں ان کا پرتباک خیر مقدم بھی کیا گیا کمیونسٹ پارٹی آف چائنہ کے چھ عہدے دار اور پاکستانی سفیر نے ایئرپورٹ پر ان کا خیر مقدم کیا
دورے کے دوران سینیٹر پرویز رشید، سینیئر وزیر مریم اورنگزیب، وزیر اطلاعات و ثقافت عظمی زاہد بخاری، بلال اکبر ،عاشق کرمانی اور دیگر بھی ان کے ہمراہ تھے
اپنے اس آٹھ روزہ دورے میں وزیراعلی مریم نواز شریف چین کے ہسپتال سکول اور دیگر اداروں کے دورے اور ملاقاتیں بھی کریں گی