صوبہ پنجاب کی وزیر اطلاعات عظمی بخاری نے کہا ہے کہ پنجاب بھر سے 10700 پولیس اہلکاروں کی نفری سٹینڈ بائی کرنے کا مراسلہ جاری کر دیا گیا ہے یہ مراسلہ اے آئی جی کی طرف سے جاری کیا گیا ہے
لاہور ہائی کورٹ میں میڈیا سے گفتگو کے دوران صوبہ پنجاب کی وزیر اطلاعت عظمی بخاری نے کہا کہ مرنے مارنے والوں کے لیے ریاست کے پاس اے سے زیڈ تک تمام پلان موجود ہیں گزشتہ لانگ مارچ میں خیبر پختون خواہ کا 81 کروڑ روپے کا خرچہ ہوا تھا اب 58 کروڑ روپے کی بات کی جا رہی ہے
ہر ایم پی اے ،ایم این اے کو دو چار لاکھ روپے دیے جا رہے ہیں یہ صوبے کے پیسے ہیں کسی کے باپ کے نہیں اور بعد میں پی ٹی آئی والوں کو پشاور ہائی کورٹ چھڑانے کے لیے آ جاتی ہے اور اس طرح یہ پشاور ہائی کورٹ کے ذریعے ریلیف حاصل کر لیتے ہیں
وزیر اطلاعات نے کہا کہ انہوں نے یہ واضح کہہ دیا ہے کہ وہ ریاست کے خلاف جہاد پر نکلے ہیں اور مرنے مارنے آرہے ہیں اور ان کے پاس پاس اے بی سی پلان ہے میں یہ واضح کرنا چاہتی ہوں کہ ریاست کے پاس اے سے زیڈ تک تمام پلان موجود ہیں میں یہ پیغام دیتی ہوں کہ کسی کی محبت میں اتنا آگے نہ نکل جائیں کہ پاکستان کی بربادی انہیں نظر ہی نہ آئے
ایک سوال کے جواب میں انہوں نے کہا کہ چیزیں بغیر تصدیق کے سوشل میڈیا پر پوسٹ کر دی جاتی ہیں اسی لیے سائبر کرائم کے حوالے سے ایف آئی اے کو ری آرگنائزڈ کیا جا رہا ہے
دوسری جانب پنجاب پولیس نے امن و امان کی خراب صورتحال سے نمٹنے کے لیے 10700 پولیس اہلکاروں کی نفری سٹینڈ بائی کرنے کا مراسلہ بھی جاری کر دیا ہے یہ نفری مختلف یونٹس، اضلاع اور ونگز سے حاصل کی جائے گی3500 کی نفری پی ایچ پی سے, پی سی سے ایک ہزار اہلکاروں کی نفری لی گئی ہے جبکہ 3 ہزار اہلکاروں کی نفری پہلے سے موجود ہے ایس پی یو سے ایک ہزار اور ٹریننگ ڈائریکٹوریٹ سے ایک ہزار دو سو اہلکار سٹینڈ بائی کر دیے گئے ہیں
اے آئی جی کی طرف سے جاری کردہ مراسلے میں کہا گیا ہے کہ گجرانوالہ ریجن سے 1300 نفری پہلے سے موجود ہے سرگودھا ریجن سے 500 اہلکار سٹینڈ بائی اور 400کی نفری پہلے سے ہے
شیخوپورہ ،اوکاڑہ200ننکانہ صاحب 100بہاولنگر200بہاولپور ،مظفر گڑھ سے300 اہلکار سٹینڈ بائی کر دیے گئے ہیں نیز یہ فورس اینٹی رائٹ سامان سے مسلح ہے متعلقہ افسران کو مراسلہ بھیج دیا گیا ہے