نجی کالج لاہور میں طلبہ کے ساتھ ہونے والی مبینہ زیادتی کے واقعے پر ڈی آئی جی آپریشنز لاہور نے کہا ہے کہ اس واقعے سے متعلق ہمارے پاس کوئی شکایت کنندہ نہیں بچوں کو مس گائیڈ کیا جا رہا ہے
انہوں نے کہا کہ ہم نے تفصیلی تحقیقات کے لیے ویڈیوز کو فرانزک ٹیم کو بھیج دیا ہے جو مکمل طور پر اپنی تجزیاتی رپورٹ پیش کرے گی۔
ڈی آئی جی اپریشنز فیصل کامران کے مطابق 10 اکتوبر کو سوشل میڈیا نے ایک خبر کے ذریعے واقعہ کو پیش کیا جب یہ واقعہ رپورٹ ہوا تو ہمارے پاس کوئی شکایت کنندہ نہیں تھا ہفتے کے روز کالج انتظامیہ سے رابطہ کیا گیا جس پر انہوں نے لاعلمی کا اظہار کیا اور کہا کہ جس گارڈ کو واقعے میں جب ملوث کیا جا رہا ہے وہ چھٹی پر ہے ٹریس کرنے پر پتہ چلا وہ سرگودھا چلا گیا تھا مگر جب اسے تفتیش کے لیے بلایا گیا تو اس نے لاعلمی کا اظہار کیا
ذی آئی جی آپریشنز نے کہا کہ ہمارے پاس کوئی شکایت کنندہ نہیں ہم نے لاہور کے تمام سرکاری ہسپتالوں کے ریکارڈز کو چیک کر لیا ہے جبکہ ایک پرائیویٹ ہسپتال بھی چیک کیا گیا مگر ہمیں کہیں کسی متاثرہ کا سراغ نہیں ملا
فیصل کامران کے مطابق طالب علموں سے بھی معلوم کیا گیا آخری پانچ دنوں کی ویڈیوز بھی حاصل کی گئیں اور مزید تحقیق کے لیے ویڈیوز فرانزک ٹیم کو بھیج دی گئی ہیں
ڈی آئی جی اپریشنز کے مطابق بچے مس گائیڈ ہو رہے ہیں ایف آئی اے کی تحقیقات جاری ہیں تاکہ سوشل میڈیا پیجز آپریٹر کا پتہ چلایا جا سکے۔
طالب علموں سے پیٹرول بم بھی برآمد ہوئے کئی موٹر سائیکلیں جلائی جا چکی ہیں کالج کے بچے احتجاج نہیں کرنا چاہتے ہیں مگر ان پر احتجاج نافذ کیا جا رہا ہے۔