صدر پاکستان آصف علی زرداری نے قومی اسمبلی اور سینٹ کے الگ الگ اجلاس طلب کر لیے ہیں جن میں ممکنہ طور پر آئینی ترمیم پیش کیے جانے کا امکان ہے
صدر مملکت کی طرف سے قومی اسمبلی کا اجلاس 17 اکتوبر جمعرات کی سپہر چار بجے جبکہ سینٹ کا اجلاس 17 اکتوبر بروز جمعرات سپہر تین بجے طلب کیا گیا ہے۔
صدر مملکت کی جانب سے قومی اسمبلی اور سینٹ کے یہ اجلاس آئین کے آرٹیکل 54 ون کے تحت طلب کیے گئے ہیں۔
ترمیم میں پیپلز پارٹی اور جے یو آئی کے درمیان اتفاق ہونے پر قومی اسمبلی اور سینٹ کا اجلاس طلب کیا گیا ہے
تاہم خصوصی پارلیمانی کمیٹی کا ہنگامی اجلاس بھی بلایا گیا ہے جس میں مسودہ کو حتمی اور آخری شکل دی جائے گی
پی ٹی آئی نے خصوصی پارلیمانی کمیٹی کے اجلاس میں شرکت کرنے سے انکار کر دیا ہے اور آئینی ترمیم کے معاملے پر توقع ہے کہ جے یو آئی ف کے سربراہ مولانا فضل الرحمن ممکنہ طور پر مسلم لیگ نون کے نواز شریف سے بھی ملاقات کریں گے جے یو آئی ف کے سینیئر رہنما کامران مرتضی کے مطابق 17 اکتوبر تک معاملات طے پا جائیں گے۔
اس تمام پیشرفت کے بعد وزارت پارلیمانی امور کی طرف سے قومی اسمبلی کا اجلاس بلانے کی سمری صدر مملکت کو بھیج دی گئی ہے جس میں اجلاس 17 اکتوبر کو شام چار بجے بلانے کی سفارش کی گئی ہے اور اس اجلاس میں تمام پارلیمانی جماعتوں کو آئینی ترمیم پر بحث کرنے کے لیے بھرپور اور مکمل موقع فراہم کیا جائے گا اسی طرح سینٹ کا اجلاس 17 اکتوبر کی سپہر تین بجے ہوگا۔
واضح رہے کہ قومی اسمبلی کا اجلاس بلائے جانے کے بعد آئینی ترمیم پر خصوصی پارلیمانی کمیٹی کے ہنگامی اجلاس کو کل طلب کر لیا گیا ہے جس میں مسودہ کو حتمی اور آخری شکل دی جائے گی بیرسٹر گوہر کے مطابق پی ٹی آئی اجلاس میں شریک نہیں ہوگی کیونکہ قیادت اسلام آباد میں نہیں ہے تاہم پی ٹی آئی نے خصوصی کمیٹی کا بائیکاٹ نہیں کیا۔