ذرائع کے مطابق اسلام آباد ایئرپورٹ کی آؤٹ سورسنگ کے حوالے سے حکومت کو بڑی کامیابی حاصل ہوئی جس میں ترکیہ کی کمپنی کی دستاویزات اور بولی کو تکنیکی طور پر منظور کر لیا گیا اور ایئرپورٹ آؤٹ سورسنگ کے لیے بڈ بھی پاکستانی ایئرپورٹ اتھارٹی ہیڈ کوارٹرز کراچی میں جمع کرا دی گئی ہے

 اس مقصد کے لیے ترکیہ کی کمپنی کے دستاویزات کی جانچ پڑتال شروع کر دی گئی ہے آؤٹ سورسنگ کے لیے ترکیہ کمپنی کی پیشکش کو آج پاکستان ایئرپورٹ اتھارٹی بورڈ آف ڈائریکٹرز کے اجلاس میں پیش کیا جائے گا

بورڈ کی منظوری کے بعد اسلام آباد ایئرپورٹ آؤٹ سورسنگ پر ترکیہ کی کمپنی کے حوالے کر دیا جائے گا

ذرائع کے مطابق ایئرپورٹ کی اؤٹ سورسنگ کے ٹینڈر کے عمل کی وفاقی کابینہ سے منظوری بھی لی جائے گی اور اس سے متعلق معلومات سیکرٹری ایوی ایشن احسن منگی وزیراعظم کو دیں گے

تاہم دو کمپنیوں کے نمائندوں کو تاخیر سے آنے کی بنا پر تکنیکی طور پر اؤٹ کر دیا گیا جس کے بعد ترکیہ کی کمپنی نے اسلام آباد ایئرپورٹ کے لیے سب سے زیادہ بولی دے کر ٹینڈر کی منظوری حاصل کر لی ٹینڈر کی منظوری کا عمل سیکرٹری ایوی ایشن کی نگرانی میں ہوا حکومت اسلام آباد ایئرپورٹ کے بعد لاہور اور کراچی ایئرپورٹس کو بھی آؤٹ سورس کرنے کا ارادہ رکھتی ہے