news
خواجہ آصف، سعودی عرب سے دفاعی معاہدہ اسرائیلی حملے کا ردعمل نہیں
وزیر دفاع پاکستان خواجہ آصف نے معروف صحافی مہدی حسن کو انٹرویو دیتے ہوئے واضح کیا ہے کہ سعودی عرب کے ساتھ حالیہ دفاعی معاہدہ قطر پر اسرائیلی حملے کے تناظر میں نہیں کیا گیا بلکہ یہ دونوں ممالک کے درمیان پچھلے پانچ سے چھ دہائیوں پر محیط دفاعی تعلقات کو باضابطہ معاہدے کی شکل دینے کا عمل ہے۔ انہوں نے بتایا کہ اس وقت بھی پاکستانی فوجی اہلکار سعودی عرب میں موجود ہیں اور ماضی میں ایک وقت ایسا بھی تھا جب وہاں تقریباً چار سے پانچ ہزار پاکستانی فوجی تعینات تھے۔
ایک سوال کے جواب میں خواجہ آصف نے کہا کہ وہ معاہدے کی تفصیلات میں نہیں جانا چاہتے، لیکن یہ واضح ہے کہ اس معاہدے کا مقصد پہلے سے موجود شراکت داری کو ایک باقاعدہ اسٹرکچر میں تبدیل کرنا تھا، نہ کہ کوئی نیا یا ہنگامی نوعیت کا معاہدہ کرنا۔ یہ دفاعی تعاون پہلے صرف مخصوص لین دین یا ضرورت کے تحت ہوتا تھا، اب اسے ادارہ جاتی بنیادوں پر استوار کیا گیا ہے۔
جوہری ہتھیاروں سے متعلق سوال پر وزیر دفاع کا کہنا تھا کہ پاکستان تحمل اور عالمی اصولوں کی پاسداری کے لیے پرعزم ہے۔ انہوں نے کہا کہ ہیروشیما اور ناگاساکی کے بعد دنیا کی کوئی جوہری طاقت ان ہتھیاروں کے استعمال کی حامی نہیں رہی، اور پاکستان بھی اسی پالیسی پر کاربند ہے۔ خواجہ آصف نے اس بات کا امکان ظاہر کیا کہ موجودہ جیوپولیٹیکل حالات میں پاکستان امریکا اور ایران کے درمیان تعلقات میں کردار ادا کر سکتا ہے، لیکن فی الحال امریکا کی طرف سے پاکستان پر کوئی دباؤ یا مطالبہ نہیں ہے، اور اگر کوئی مطالبہ آیا بھی تو پاکستان اپنے قومی مفاد کو مقدم رکھتے ہوئے فیصلہ کرے گا۔
سوات اور اس کے گردونواح میں آج صبح زلزلے کے شدید جھٹکے محسوس کیے گئے جس کے باعث شہریوں میں خوف و ہراس پھیل گیا۔
زلزلہ پیمامرکز کے مطابق زلزلے کی شدت 4.5 ریکارڈ کی گئی جبکہ اس کی زیرِ زمین گہرائی 220 کلومیٹر تھی۔
زلزلے کا مرکز کوہِ ہندوکش کا پہاڑی سلسلہ بتایا جا رہا ہے۔
زلزلے کے جھٹکے مینگورہ، مدین، کالام، بونیر اور قریبی علاقوں میں بھی محسوس کیے گئے۔
لوگ گھروں اور دفاتر سے نکل کر کھلے میدانوں میں جمع ہوگئے، تاہم اب تک کسی جانی یا مالی نقصان کی اطلاع موصول نہیں ہوئی۔
محکمہ موسمیات کے زلزلہ ڈویژن نے کہا ہے کہ کوہ ہندوکش میں آنے والے زلزلے اکثر گہرے فوکس کے باعث کم نقصان دہ ہوتے ہیں، تاہم بار بار آنے والے جھٹکے فالٹ لائنز کی سرگرمی کی نشاندہی کرتے ہیں۔
ریسکیو اور ایمرجنسی ٹیموں کو ہائی الرٹ کر دیا گیا ہے جبکہ ضلعی انتظامیہ نے عوام سے اپیل کی ہے کہ افواہوں سے گریز کریں اور احتیاطی تدابیر اختیار کریں۔
واشنگٹن:
وفاقی وزیر خزانہ و محصولات سینیٹر محمد اورنگزیب نے کہا ہے کہ پاکستان سعودی عرب تزویراتی شراکت داری کو مزید مضبوط بنانے کی ضرورت ہے۔ انہوں نے زور دیا کہ سعودی عرب کو ایم 6 موٹروے، ایم ایل ون، سکل ڈویلپمنٹ اور آئی ٹی انفراسٹرکچر کے منصوبوں میں شریک ہونا چاہیے۔
یہ بات انہوں نے عالمی بینک اور آئی ایم ایف کے سالانہ اجلاسوں کے موقع پر سعودی فنڈ برائے ترقی کے سی ای او سلطان عبدالرحمٰن المِرشَد سے ملاقات میں کہی۔ وزیر خزانہ نے تیل کی مؤخر ادائیگی کی سہولت پر سعودی عرب کا شکریہ ادا کیا اور پاکستان سعودی عرب تزویراتی شراکت داری کے دائرے کو مزید بڑھانے کی خواہش ظاہر کی۔
علاوہ ازیں، وزیر خزانہ نے امریکی اور عالمی مالیاتی عہدیداران سے بھی ملاقاتیں کیں جن میں تجارت، توانائی، زراعت اور ڈیجیٹل اثاثوں کے شعبوں میں تعاون کے امکانات پر بات ہوئی۔ انہوں نے پاکستان میں جاری معاشی اصلاحات اور استحکام کی پالیسیوں پر روشنی ڈالی۔
گروپ 24 کے اجلاس میں وزیر خزانہ نے کہا کہ پاکستان نے ٹیکس، توانائی اور پبلک سیکٹر میں اصلاحات کے ذریعے میکرو اکنامک استحکام حاصل کیا۔ ان کا کہنا تھا کہ موسمیاتی تبدیلی اور علاقائی تجارت کے چیلنجز سے نمٹنے کے لیے عالمی تعاون ناگزیر ہے۔
وزیر خزانہ نے عالمی بینک کے نائب صدر عثمان دیون سے ملاقات میں نئے کنٹری پارٹنرشپ فریم ورک پر بات کی اور موسمیاتی لچک کے لیے امداد کی درخواست کی۔
-
news1 month ago14 سالہ سدھارتھ ننڈیالا کی حیران کن کامیابی: دل کی بیماری کا پتہ چلانے والی AI ایپ تیار
-
کھیل5 months agoایشیا کپ 2025: بھارت کی دستبرداری کی خبروں پر بی سی سی آئی کا ردعمل
-
news6 months agoرانا ثناءاللہ کا بلاول کے بیان پر ردعمل: سندھ کے پانی کا ایک قطرہ بھی استعمال نہیں کریں گے
-
news6 months agoاداکارہ علیزہ شاہ نے سوشل میڈیا سے کنارہ کشی کا اعلان کر دیا