ایک نئی رپورٹ میں انکشاف کیا گیا ہے کہ ایپل اپنی آنے والی اسمارٹ فون سیریز، iPhone 17 کے لیے نئے رنگوں کی آزمائش کر رہا ہے۔ رپورٹ کے مطابق کمپنی اس وقت جامنی اور ہرے رنگ پر تجربات کر رہی ہے، تاہم آخر میں ان میں سے صرف ایک رنگ کو ہی حتمی ورژن میں شامل کیا جائے گا۔ ذرائع کا کہنا ہے کہ اس وقت جامنی رنگ کو منتخب کیے جانے کے امکانات زیادہ ہیں۔ اس کے علاوہ ایپل اپنے iPhone 17 پرو ماڈل میں نیا پن لانے کے لیے فروزی (Cyan) رنگ کو بھی متعارف کرانے پر غور کر رہا ہے، جو کہ صارفین کے لیے ایک دلچسپ اور تازہ رنگین انتخاب ثابت ہو سکتا ہے۔

میساچوسٹس انسٹی ٹیوٹ آف ٹیکنالوجی (ایم آئی ٹی) کی حالیہ تحقیق میں انکشاف کیا گیا ہے کہ اگر انسان مسلسل علمی اور تخلیقی کاموں کے لیے چیٹ جی پی ٹی جیسے مصنوعی ذہانت کے ٹولز پر انحصار کرتا ہے تو یہ اس کی دماغی صحت کے لیے نقصان دہ ثابت ہو سکتا ہے۔ تحقیق میں یہ بات سامنے آئی کہ ایسے افراد جو زیادہ تر کاموں میں جی پی ٹی کا استعمال کرتے ہیں، ان کے دماغ میں وہ حصے جو یادداشت، سوچ اور تخلیقی صلاحیت سے جڑے ہوتے ہیں، کم متحرک رہتے ہیں۔ اس کے برعکس، جو افراد بغیر کسی AI کی مدد کے کام انجام دیتے ہیں، ان میں نیورل مشغولیت اور ادراکی کارکردگی بہتر پائی گئی۔ ماہرین نے خبردار کیا ہے کہ چیٹ جی پی ٹی کو ایک ذہنی معاون ٹول کے طور پر استعمال کرنا چاہیے، نہ کہ مکمل متبادل کے طور پر۔ بصورت دیگر، اس کا طویل مدتی استعمال تخلیقی سوچ اور یادداشت پر منفی اثر ڈال سکتا ہے۔ اس تحقیق کا پیغام واضح ہے: انسانی ذہانت کی اصل صلاحیت کو برقرار رکھنے کے لیے مصنوعی ذہانت پر محتاط انحصار ضروری ہے۔