پاکستان میں واٹس ایپ ہیکنگ اور فشنگ حملوں میں نمایاں اضافہ دیکھنے میں آیا ہے، جس کے بعد پاکستان نیشنل سائبر ایمرجنسی رسپانس ٹیم نے شہریوں کے لیے ایڈوائزری جاری کی ہے۔ ایڈوائزری کے مطابق حملہ آور جعلی لنکس، پیغامات اور کوڈز کے ذریعے واٹس ایپ اکاؤنٹس تک رسائی حاصل کر رہے ہیں۔ اکثر یہ پیغامات انعامی پیشکش، جعلی ملازمتوں یا سرمایہ کاری کی اسکیموں کے روپ میں بھیجے جاتے ہیں۔

شہریوں کو ہدایت کی گئی ہے کہ وہ دوہری تصدیق (Two-Step Verification) کو فعال کریں، لنکڈ ڈیوائسز باقاعدگی سے چیک کریں، اور کسی بھی مشکوک سرگرمی یا غیر مانوس ڈیوائس کی موجودگی پر فوری لاگ آؤٹ کریں۔ پبلک یا شیئرڈ ڈیوائسز پر لاگ ان سے گریز کریں، اور مشکوک لنکس یا نمبرز پر ہرگز کلک نہ کریں۔نیشنل سائبر ایمرجنسی

علاوہ ازیں، کسی صورت بھی توثیقی کوڈز، پاس ورڈز یا ذاتی معلومات شیئر نہ کریں، کیونکہ ہیک شدہ واٹس ایپ اکاؤنٹس کو جعلی خبروں، مالی فراڈ یا فون نمبرز تک رسائی کے لیے استعمال کیا جا سکتا ہے۔

ایران کے سپریم لیڈر آیت اللہ خامنہ ای نے امریکی صدر ڈونلڈ ٹرمپ کی جانب سے ایران کو ہتھیار ڈالنے کی دھمکی کو دوٹوک الفاظ میں مسترد کرتے ہوئے کہا ہے کہ ایرانی قوم کبھی سرنڈر نہیں کرے گی۔ سرکاری ٹی وی پر قوم سے خطاب کرتے ہوئے انہوں نے کہا کہ امریکہ ایسی زبان اُن سے بولے جو دھمکیوں سے ڈرتے ہوں، ایران نہ دھمکیوں سے خوفزدہ ہوتا ہے اور نہ ہی امن یا جنگ اس پر مسلط کی جا سکتی ہے۔ آیت اللہ خامنہ ای نے واضح کیا کہ فضائی حدود کی خلاف ورزی پر خاموش نہیں بیٹھا جائے گا، اور اسرائیل کی جانب سے حملہ ایک سنگین غلطی تھی جس کی سزا اسے ضرور ملے گی۔

ایرانی سپریم لیڈر نے امریکی صدر کے بیان پر ردعمل دیتے ہوئے کہا کہ جنہیں ایران کی تاریخ کا علم ہے وہ جانتے ہیں کہ ایرانی قوم نہ صرف عزت نفس پر سمجھوتہ نہیں کرتی بلکہ دھمکیوں کا جواب سخت الفاظ اور عمل سے دیتی ہے۔ انہوں نے زور دے کر کہا کہ ایرانی عوام اپنے شہداء کی قربانیوں اور سرزمین پر حملے کو کبھی نہیں بھولیں گے۔

یاد رہے کہ اس سے قبل صدر ٹرمپ نے کہا تھا کہ ایران کو غیر مشروط طور پر ہتھیار ڈالنے چاہئیں، اور خبردار کیا تھا کہ ایران کی فضائی حدود، قیادت اور دفاعی نظام امریکہ کی مکمل نگرانی میں ہیں، ہم جانتے ہیں خامنہ ای کہاں موجود ہیں، لیکن انہیں قتل کرنا ہمارا مقصد نہیں۔ ٹرمپ نے دعویٰ کیا تھا کہ ایران کے پاس موجود دفاعی سازوسامان امریکہ کے سامنے کچھ نہیں۔