بلوسکائی، جو کہ ایلون مسک کے سوشل میڈیا پلیٹ فارم ایکس کا حریف ہے، نے اعلان کیا ہے کہ وہ مستند اکاؤنٹس کے لیے نیلے چیک مارک شامل کر رہا ہے۔

بلوسکائی کمپنی نے ایک بلاگ پوسٹ میں بتایا کہ وہ مستند اکاؤنٹس کی فعال تصدیق کرے گی اور ان کے ناموں کے ساتھ نیلے رنگ کا چیک دکھائے گی، کیونکہ اعتماد سب کچھ ہے۔

یہ اقدام ایک ایسی خصوصیت کی عکاسی کرتا ہے جو ٹویٹر نے اپنے پلیٹ فارم پر دھوکہ دہی کرنے والوں کو روکنے کے لیے استعمال کی تھی، تاکہ صارفین یہ جان سکیں کہ کون سے اکاؤنٹ ہولڈرز مستند ہیں اور کون سے نہیں۔

ایلون مسک نے 2022 میں ٹویٹر، جسے اب ایکس کہا جاتا ہے، خریدنے کے بعد اکاؤنٹس پر نیلے چیک کا استعمال بند کر دیا تھا۔

اس کے بجائے، مسک نے سوشل نیٹ ورک پر ایکس پریمیم ٹائر کے لیے سبسکرپشنز کی ادائیگی کرنے والوں کو نیلے چیک کی پیشکش کی۔

چین نے دنیا کا پہلا کمرشل 10-گِیگا بِٹ (10 جی) براڈ بینڈ نیٹورک متعارف کروا کر جدید انٹرنیٹ ٹیکنالوجی میں ایک اہم سنگِ میل عبور کر لیا ہے۔

چین کی سرکاری کمپنی یونی کوم اور ٹیکنالوجی کے بڑے نام ہواوے نے اس مشترکہ نیٹورک کا آغاز صوبے ہیبائی کی سونن کاؤنٹی میں کیا۔

یہ نیا سسٹم، جو 50 جی پیسیو آپٹیکل نیٹورک (پی او این) ٹیکنالوجی کا استعمال کرتا ہے، موجودہ فائبر-آپٹک ڈیٹا منتقلی کی رفتار اور کارکردگی کو بہتر بناتا ہے، جو کہ ماضی میں کبھی نہیں دیکھا گیا۔

آزمائش کے نتائج سے یہ بات سامنے آئی ہے کہ اس سسٹم کی ڈاؤن لوڈ اسپیڈ 9834 میگا بِٹس فی سیکنڈ، اپ لوڈ اسپیڈ 1008 میگا بِٹ فی سیکنڈ، اور تاخیر صرف 3 ملی سیکنڈ ہے، جو روایتی 1 جی براڈ بینڈ سے 10 گُنا بہتر ہے۔

10 جی براڈ بینڈ سروس الٹرا-ایچ ڈی 8 کے ویڈیو اسٹریمنگ، ورچوئل اور آگمینٹڈ ریئلٹی تجربات، اور اسمارٹ گھروں کے ہموار آپریشن جیسی ہائی بینڈ وِتھ سرگرمیوں کے لیے نئے دروازے کھولے گی۔

یہ کامیابی چین کو انٹرنیٹ ٹیکنالوجی کی دوڑ میں دیگر ممالک پر سبقت دلانے میں مددگار ثابت ہوئی ہے۔ جہاں جنوبی کوریا اور متحدہ عرب امارات جیسے ممالک نے جدید براڈ بینڈ سروسز متعارف کرائی ہیں، وہیں چین کی 10 جی سروس عوام کے لیے دستیاب اپنی نوعیت کی پہلی سروس ہے۔