سینیٹر فیصل واوڈا نے کہا ہے کہ پاکستان کے خلاف کسی بھی قسم کی سازش پہلے کبھی برداشت نہیں کی گئی، اور نہ ہی اب کی جائے گی۔ انہوں نے واضح کیا کہ بیرونی طاقتوں کے ہاتھوں کھیلنے والے ملک دشمن عناصر کے خلاف جلد کارروائی کی جائے گی اور ان کی گرفتاریاں بھی ہوں گی۔ سماجی رابطے کی ویب سائٹ ایکس (ٹوئیٹر) پر اپنے بیان میں انہوں نے خبردار کیا کہ اب پاکستان کے خلاف کسی بھی سازش کو برداشت نہیں کیا جائے گا۔

انہوں نے مزید کہا کہ وہ اس وقت ملک سے باہر ہیں، لیکن مئی کے مہینے میں پاکستان کے لیے مثبت خبریں سامنے آئیں گی۔ یہ مثبت خبریں ہمیشہ کی طرح سیاسی جمہوری لاشوں کی طرف سے نہیں بلکہ کہیں اور سے آئیں گی۔ فیصل واوڈا نے یہ بھی کہا کہ ملک دشمن عناصر کے خلاف جلد ہی کارروائی کی جائے گی اور آنے والے دنوں میں ان کی گرفتاریاں بھی ہوں گی۔

یہ بات بھی قابل ذکر ہے کہ اس سے پہلے سینیٹر فیصل واوڈا نے کہا تھا کہ قومی سلامتی کمیٹی کے اہم اجلاس میں پاکستان تحریک انصاف کی عدم شرکت ایک بڑی غلطی تھی۔ انہوں نے کہا کہ پی ٹی آئی کا یہ فیصلہ عجیب تھا، کیونکہ اس وقت دہشت گردی کا مسئلہ قومی ایشو تھا۔ ان کے مطابق، پی ٹی آئی کی اس اہم اجلاس میں عدم شرکت مناسب نہیں تھی۔ ایک انٹرویو میں فیصل واوڈا نے یہ بھی کہا کہ اجلاس میں کسی نے سیاسی پوائنٹ سکورنگ نہیں کرنی تھی، بلکہ صرف پاکستان اور ملکی سلامتی کے بارے میں بات ہونی تھی۔ میرے خیال میں پاکستان تحریک انصاف کو اس اجلاس میں شرکت کرنی چاہیے تھی۔