بالی ووڈ کے کنگ خان، شاہ رُخ کی بیٹی سوہانا خان کی 1.4 کروڑ روپے کی گھڑی نے ’کیسری چیپٹر 2‘ کی اسکریننگ پر سب کی توجہ اپنی جانب کھینچ لی۔

میڈیا کی رپورٹ کے مطابق، سوہانا خان، جو 2023 میں زویا اختر کی فلم ’آرچیز‘ کے ذریعے اداکاری کی دنیا میں قدم رکھ چکی ہیں، حال ہی میں اپنی قریبی دوست اننیا پانڈے کی فلم ’کیسری چیپٹر 2‘ کی اسکریننگ پر نظر آئیں۔

اس موقع پر انہوں نے ایک نہایت مہنگی اور خوبصورت گھڑی پہنی ہوئی تھی، جس نے سب کی نگاہیں اپنی طرف متوجہ کر لیں۔ کہا جا رہا ہے کہ اس گھڑی کی قیمت تقریباً 1.4 کروڑ روپے ہے اور یہ ایک لگژری کلاسک کلیکشن کا حصہ ہے۔

یہ پہلا موقع نہیں تھا جب سوہانا نے یہ گھڑی پہنی ہو۔ اس سے پہلے بھی وہ خوشی کپور اور ابراہیم علی خان کی فلم ’نادانیاں‘ کے پریمیئر پر یہی گھڑی پہنے ہوئے آئیں تھیں۔ اس تقریب میں بھی انہوں نے سیاہ لباس کے ساتھ یہی کلاسک گھڑی پہنی تھی، جو ان کے فیشن سینس کو مزید نمایاں کرتی ہے۔

یاد رہے کہ سوہانا خان نہ صرف ایک ابھرتی ہوئی اداکارہ کے طور پر پہچانی جا رہی ہیں، بلکہ ان کا اسٹائل اور لگژری فیشن کا شوق بھی میڈیا اور فینز کی توجہ کا مرکز بنتا جا رہا ہے۔

دفتر خارجہ نے بنگلہ دیش کی جانب سے پاکستان سے معافی کے مطالبے کی خبروں پر اپنا ردعمل ظاہر کیا ہے۔ میڈیا کی رپورٹ کے مطابق، ترجمان دفتر خارجہ شفقت علی خان نے یہ تصدیق کی کہ پاکستان اور بنگلہ دیش کے درمیان حالیہ اعلیٰ سطح کی سفارتی مشاورت کے دوران کچھ دیرینہ مسائل پر بات چیت ہوئی، جن میں 1971ء کے واقعات پر بنگلہ دیش کی طرف سے رسمی معافی اور معاوضے کے مطالبات بھی شامل تھے۔

ہفتہ وار پریس بریفنگ کے دوران سوالات کے جواب دیتے ہوئے انہوں نے کہا کہ کچھ دیرینہ مسائل واقعی زیر بحث آئے، لیکن دونوں فریقوں نے انہیں باہمی احترام اور افہام و تفہیم کے ماحول میں پیش کیا۔ تاہم، کچھ عناصر جھوٹی یا سنسنی خیز خبریں پھیلا کر پاکستان اور بنگلہ دیش کے درمیان بڑھتے ہوئے تعلقات کو نقصان پہنچانے کی کوشش کر رہے ہیں۔ حقیقت یہ ہے کہ مذاکرات ایک خوشگوار اور تعمیری ماحول میں ہوئے۔

ترجمان فارن آفس نے کہا کہ 15 سال کے تعطل کے بعد ان مشاورتوں کا انعقاد دونوں ممالک کے درمیان خیرسگالی اور ہم آہنگی کی ایک مثال ہے، اور گمراہ کن رپورٹس اس اہم پیشرفت کی اہمیت کو کم نہیں کر سکتیں۔ دونوں ممالک نے سیاسی، معاشی، ثقافتی، تعلیمی، اور تزویراتی تعاون پر وسیع تبادلہ خیال کیا، جو مشترکہ تاریخ، ثقافتی ہم آہنگی، اور عوامی امنگوں پر مبنی ہے۔ دونوں فریقوں نے نیویارک، قاہرہ، ساموآ، اور جدہ میں ہونے والی حالیہ ملاقاتوں کا بھی ذکر کیا۔