قومی ٹیم کے اوپنر حسن نواز نے ٹی ٹونٹی کرکٹ میں پاکستان کے لیے تیز ترین سنچری سکور کرنے کا اعزاز اپنے نام کرلیا۔
پاکستان اور نیوزی لینڈ کے درمیان آج تیسرے ٹی ٹونٹی میں پاکستان نے نیوزی لینڈ کو 9 وکٹوں سے ہرادیا۔
آکلینڈ میں کھیلے گئے میچ میں مہمان ٹیم پاکستان نے ٹاس جیت کر میزبان کو پہلے بیٹنگ کی دعوت دی۔
پاکستانی بولرز کی لاکھ کوششوں کے باوجود کیوی ٹیم نے 204 رنز بنائے اور 19.5 اوورز میں پوری ٹیم آؤٹ ہوگئی۔
پاکستان کی طرف سے حارث رؤف نے 3، شاہین آفریدی، ابرار احمد، عباس آفریدی نے 2،2 اور شاداب خان نے ایک وکٹ حاصل کی۔
ان کی جواب میں پاکستانی ٹاپ آرڈر نے شاندار کارکردگی کا مظاہرہ کیا، اوپنر محمد حارث 41 بناکر آؤٹ ہوئے جب کہ حسن نواز نے 44 گیندوں پر شاندار سنچری اسکور کی اور کپتان سلمان علی آغا نے ان کا بھرپور ساتھ دیتے ہوئے 31 گیندوں پر 51 رنز بنائے۔
فاروق سے پہلے پاکستان کے لیے سب سے تیز ٹی ٹونٹی سنچری سکور کرنے کا ریکارڈ سابق کپتان بابر اعظم کے پاس تھا جنہوں نے 2021ء میں جنوبی افریقہ کے خلاف 49 گیندوں پر سنچری سکور کی تھی۔
احمد شہزاد نے ٹی ٹونٹی ورلڈ کپ 2014ء میں بنگلہ دیش کیخلاف ڈھاکا میں 58 گیندوں پر سنچری سکور کی تھی، بابر اعظم 2023ء میں لاہور میں نیوزی لینڈ کیخلاف 58 گیندوں پر سنچری بنا کر اس فہرست میں چوتھے اور 2022ء میں انگلینڈ کیخلاف 62 گیندوں پر سنچری سکور کرکے 5ویں نمبر پر بھی موجود ہیں۔
وکٹ کیپر بیٹر محمد رضوان 63 گیندوں پر جنوبی افریقہ کے خلاف 2021ء میں سنچری مار کر اس فہرست میں ساتھ نمبر پر ہیں۔
پاکستان ٹیم میں عباس آفریدی اور ابرار احمد کو شامل کیا گیا جب کہ محمد علی اور جہانداد خان ٹیم سے ڈراپ کردیے گئے۔ قومی ٹیم میں محمد حارث ، حسن نواز،سلمان علی آغا، عرفان نیازی، شاداب خان، عبدالصمد، خوش دل شاہ، شاہین آفریدی اور حارث رؤف شامل تھے۔ واضح رہے 5 میچز کی سیریز میں دو میچز نیوزی لینڈ جب کہ ایک پاکستان کے نام رہا۔