پاکستان کی مشہور گلوکارہ نتاشا بیگ نے حال ہی میں ایک انٹرویو کے دوران اپنی شادی کے بارے میں کچھ دلچسپ انکشافات کیے ہیں، جنہوں نے سوشل میڈیا پر ہلچل مچادی ہے۔

نتاشا بیگ نے کہا کہ اگرچہ ان کا فی الحال شادی کا کوئی ارادہ نہیں ہے، لیکن ان کی خواہش ہے کہ وہ کسی کورین اداکار سے شادی کریں۔

انہوں نے انٹرویو میں بتایا کہ وہ کورین ڈراموں کی بڑی مداح ہیں اور اب انہیں وہاں کے مردوں کی خوبصورتی اور شخصیت کا احساس ہوچکا ہے۔

نتاشا نے یہ بھی کہا کہ وہ کورین زبان سیکھ رہی ہیں اور یہ دلچسپ ہے کہ کورین زبان کے کئی الفاظ اردو اور ان کی مادری زبان بروشسکی سے ملتے جلتے ہیں۔

کوک اسٹوڈیو سے شہرت پانے والی گلوکارہ نے مزید بتایا کہ اگرچہ ان کا فی الحال شادی کا کوئی منصوبہ نہیں، لیکن ان کی خواہش ہے کہ ان کی شادی کسی کورین اداکار سے ہو، عام مرد سے نہیں۔ انہوں نے اپنے پسندیدہ دو کورین اداکاروں کے نام بھی بتائے جنہیں وہ دل سے پسند کرتی ہیں۔

نتاشا بیگ نے انٹرویو میں یہ بھی بتایا کہ لوگ اکثر انہیں ان کی شکل و صورت کی وجہ سے چینی سمجھتے ہیں اور جب وہ اردو میں بات کرتی ہیں تو لوگ مزید حیران رہ جاتے ہیں کہ ایک چینی خاتون اردو بھی اتنی اچھی بول لیتی ہیں۔

انہوں نے یہ بھی بتایا کہ وہ بچپن میں کرکٹر تھیں اور تقریباً 19 سال کی عمر تک کرکٹ کھیلتی رہیں۔

بالی ووڈ اور ہالی ووڈ کی اداکارہ و ماڈل پریانکا چوپڑا نے ضرورت مند کی مدد کر کے اپنے مداحوں کا دل جیت لیا ہے۔

پریانکا حال ہی میں اپنے بھائی کی شادی کے بعد واپس امریکہ جانے کے لیے ممبئی پہنچی ہیں، جہاں پاپرازی نے ان کی تصاویر اور ویڈیوز بنائیں۔

یہ ویڈیوز سوشل میڈیا پر وائرل ہو رہی ہیں، جن میں سے ایک ویڈیو نے خاص طور پر صارفین کی توجہ حاصل کی ہے۔

اس ویڈیو میں دیکھا جا سکتا ہے کہ اداکارہ اپنی گاڑی میں بیٹھ کر روانہ ہوتی ہیں، لیکن ان کی گاڑی سگنل پر رک جاتی ہے۔ اس موقع پر پریانکا کھڑکی سے ہاتھ باہر نکال کر ایک فقیر کو پیسے دیتی ہیں۔

پریانکا کے اس عمل پر سوشل میڈیا صارفین اور ان کے مداحوں کی جانب سے انہیں خوب سراہا جا رہا ہے، اور ضرورت مند کی مدد کرنے پر لوگ ان کی دریا دلی کی تعریف کر رہے ہیں۔

یاد رہے کہ پریانکا چوپڑا جلد ہی فلم SSMB 29 میں مہیش بابو کے ساتھ اداکاری کرتی نظر آئیں گی۔