پاکستان کی معروف اداکارہ مہوش حیات نے کہا ہے کہ وہ اداکاری کے بعد اب موسیقی کی دنیا میں قدم رکھنے کا ارادہ رکھتی ہیں۔

ایک انٹرویو میں مہوش حیات نے بتایا کہ جلد ہی ان کے دو نئے گانے ریلیز ہونے والے ہیں، جن میں سے ایک معروف بھارتی پاپ گلوکار ہنی سنگھ کے ساتھ ہوگا۔

اداکارہ نے یہ بھی کہا کہ وہ اب موسیقی پر زیادہ توجہ دے رہی ہیں اور امید کرتی ہیں کہ ان کے مداحوں کو ان کے گانے پسند آئیں گے۔

مہوش حیات نے مزید بتایا کہ انہوں نے اپنی ایک فلم مکمل کر لی ہے جو عید الا ضحیٰ پر نمائش کے لیے پیش کی جائے گی، تاہم انہوں نے فلم کا نام نہیں بتایا۔

یاد رہے کہ کچھ دن پہلے مہوش حیات نے کہا تھا کہ وہ اب شادی کے بارے میں سنجیدگی سے سوچ رہی ہیں، لیکن ابھی تک انہیں اپنا جیون ساتھی نہیں ملا۔

واضح رہے کہ حال ہی میں مہوش حیات بھارتی گلوکار ہنی سنگھ کے گانے میں ان کے ساتھ بطور اداکارہ پرفارم کرتی نظر آئیں تھیں۔

جنوبی کوریا کی 24 سالہ معروف اداکارہ کم سائی رون اپنے گھر میں مردہ حالت میں پائی گئی ہیں۔

کم سائی رون کی لاش دارالحکومت سیئول میں ان کے رہائشی اپارٹمنٹ سے ملی ہے۔ پولیس نے موت کی وجوہات جاننے کے لیے تحقیقات شروع کردی ہیں، لیکن ابھی تک کسی مجرمانہ عمل یا بیرونی مداخلت کا کوئی ثبوت نہیں ملا ہے۔

میڈیا رپورٹس کے مطابق، کم سائی رون کا ایک دوست ان سے ملنے کے لیے ان کے گھر آیا، لیکن جب اس نے اداکارہ سے رابطہ نہیں کیا تو اس نے گھر میں داخل ہوکر انہیں مردہ حالت میں پایا۔ اس نے فوراً پولیس کو اطلاع دی۔ پولیس نے ابتدائی تحقیقات میں کسی مجرمانہ سرگرمی کا کوئی ثبوت نہیں پایا، لیکن موت کی اصل وجہ جاننے کے لیے مزید تفتیش جاری ہے۔

کم سائی رون کا شمار جنوبی کوریا کی کامیاب ترین اداکاراؤں میں ہوتا تھا، لیکن 2022 میں انہوں نے نشے کی حالت میں گاڑی چلا کر ایک حادثہ کیا، جس کے بعد ان کے کیریئر کو شدید نقصان پہنچا۔ اس واقعے میں انہیں گرفتار کیا گیا تھا، اور ان پر بھاری جرمانہ عائد کیا گیا تھا۔ اداکارہ نے معافی مانگتے ہوئے جرمانہ ادا کرنے کا وعدہ کیا تھا، اور ان کا ڈرائیونگ لائسنس بھی منسوخ کر دیا گیا تھا۔

کم سائی رون نے اپنے کیریئر کا آغاز ایک چائلڈ ایکٹر کے طور پر کیا تھا۔ انہوں نے 2009 میں فلم ’’اے برانڈ نیو لائف‘‘ سے اپنی اداکاری کا آغاز کیا۔