یوٹیوب نے شارٹ ویڈیوز بنانے والوں کے لیے ایک نیا فیچر متعارف کرایا ہے جو واقعی انقلابی ثابت ہو سکتا ہے۔ اب صارفین صرف ٹیکسٹ لکھ کر مصنوعی ذہانت (AI) کی مدد سے اپنی مرضی کی ویڈیوز بنا سکیں گے۔

یوٹیوب نے اپنے پلیٹ فارم پر ویڈیو شارٹس تخلیق کرنے کے لیے ایک AI پر مبنی نیا فیچر متعارف کرایا ہے، جو تخلیق کاروں کے لیے ویڈیو بنانے کے عمل کو مزید آسان اور تخلیقی بنا دے گا۔

یہ فیچر گوگل کے ڈیپ مائنڈ کے جدید AI ماڈل ’’ویو 2‘‘ کا استعمال کرتا ہے، جو صارفین کو صرف متن لکھ کر ویڈیوز تخلیق کرنے کی سہولت فراہم کرے گا۔

ڈریم اسکرین کا نیا استعمال

یوٹیوب نے اپنی بلاگ پوسٹ میں بتایا کہ ’’ویو 2‘‘ AI ماڈل کو ڈریم اسکرین فیچر کے ساتھ مربوط کیا گیا ہے۔ ڈریم اسکرین پہلے ہی تخلیق کاروں کو ویڈیوز کے پس منظر میں تبدیلیاں کرنے کی سہولت فراہم کرتا تھا، لیکن اب یہ فیچر یوٹیوب شارٹس میں مکمل طور پر AI سے تیار شدہ ویڈیوز بنانے کی صلاحیت رکھتا ہے۔ اس کا مطلب یہ ہے کہ صارفین اب اپنے تخیل کو حقیقت میں بدل سکیں گے اور شارٹس کے لیے منفرد ویڈیوز بنا سکیں گے۔

’’ویو 2‘‘: ٹیکسٹ سے ویڈیو تک کا سفر

’’ویو 2‘‘ ایک ٹیکسٹ ٹو ویڈیو جنریٹر ہے، جو صارفین کو صرف متن لکھ کر ویڈیوز تخلیق کرنے کی سہولت فراہم کرتا ہے۔ AI ماڈل صارفین کے الفاظ کو سمجھتا ہے اور انہی کے مطابق ویڈیوز تیار کرتا ہے۔

سوشل میڈیا کمپنی فیس بک نے اپنے صارفین کو خبردار کیا ہے کہ وہ پلیٹ فارم پر موجود اپنی پسندیدہ ویڈیوز کو ڈیلیٹ کرنے کے بارے میں غور کریں۔

تازہ ترین اطلاعات کے مطابق، سوشل نیٹ ورک کمپنی فیس بک لائیو ویڈیوز کے حوالے سے کچھ تبدیلیاں کرنے جا رہی ہے۔

اب تک صارفین اپنی پروفائل پر موجود ویڈیوز کو اپنے عزیز و اقارب کے ساتھ شیئر کر کے کسی بھی وقت یادیں تازہ کر سکتے تھے۔ لیکن میٹا کی ذیلی کمپنی اب ان ویڈیوز کی موجودگی کے حوالے سے نئی شرائط متعارف کرانے جا رہی ہے۔

آئندہ سے نئے فیس بک لائیو براڈکاسٹ ہونے کے صرف 30 دن بعد تک دستیاب رہیں گے۔ اس مدت کے بعد یہ خود بخود ڈیلیٹ ہو جائیں گی۔

میٹا کے مطابق، ویڈیوز کو ڈیلیٹ کرنے کا یہ عمل آنے والے چند مہینوں میں شروع کیا جائے گا۔