news
ترک صدر رجب طیب ایردوان کا وزیراعظم ہاؤس میں پرتپاک استقبال
ترکی کے صدر رجب طیب ایردوان کا وزیراعظم ہائوس آمد پر شاندار استقبال کیا گیا۔ جمعرات کو جب ترک صدر وزیراعظم ہائوس پہنچے تو ایک باوقار استقبالیہ تقریب منعقد ہوئی۔ وزیراعظم محمد شہباز شریف نے ترک صدر کا دل سے استقبال کیا۔ دونوں رہنماؤں نے روایتی انداز میں مصافحہ کیا۔
اس موقع پر ترک صدر کو پاکستان کی مسلح افواج کے دستے نے گارڈ آف آنر پیش کیا، جس کا انہوں نے معائنہ بھی کیا۔
تقریب کے دوران دونوں ممالک کے قومی ترانے بھی بجائے گئے۔ وزیراعظم محمد شہباز شریف نے ترک صدر سے اپنی کابینہ کے ارکان کا تعارف کرایا، جبکہ رجب طیب ایردوان نے بھی اپنے وفد کے ارکان کا وزیراعظم سے تعارف کرایا۔ وزیراعظم نے ترک صدر کے وفد کے ارکان سے خوش دلی سے مصافحہ کیا۔ ترک صدر نے وزیراعظم ہائوس کے احاطے میں ایک پودا بھی لگایا۔ انہوں نے آرمی چیف جنرل سید عاصم منیر سے بھی گرمجوشی سے مصافحہ کیا۔ پاک فضائیہ کے جے ایف 17 تھنڈر اور ایف 16 طیاروں نے خصوصی فلائی پاسٹ کرتے ہوئے معزز مہمان کو سلامی دی۔
news
انسٹاگرام کا پرانا فیچر دوبارہ فعال کرنے کا اعلان
دنیا بھر میں مقبول ویڈیو شیئرنگ کے معروف پلیٹ فارم انسٹاگرام نے اپنے صارفین کی سہولت کے لیے ایک پرانا فیچر دوبارہ فعال کرنے کا فیصلہ کیا ہے۔
اس حوالے سے انسٹاگرام کے سربراہ نے چند روز قبل ایک ویڈیو پیغام میں کہا کہ ایپلیکیشن پر 2019 میں ختم کیے گئے فیچر کو دوبارہ پیش کیا جائے گا۔
اپنے پیغام میں انہوں نے کہا کہ ہم چاہتے ہیں کہ انسٹاگرام ایپ صرف تفریحی مواد دیکھنے کی جگہ نہ ہو بلکہ یہ ایک ایسا پلیٹ فارم بنے جہاں آپ اپنے دوستوں کے ساتھ جڑ سکیں۔
انہوں نے بتایا کہ اب جب آپ ریلز ٹیب پر جائیں گے تو آپ کو ایک خصوصی فیڈ نظر آئے گی جس میں وہ ریلز شامل ہوں گی جو آپ کے دوستوں نے پسند کی ہیں یا ان پر کوئی کمنٹ کیا ہے۔ آپ اوپر دائیں کونے میں جا کر براہ راست ان سے بات چیت بھی شروع کر سکتے ہیں۔
انسٹاگرام پر تقریباً پانچ سال قبل ختم کیے گئے اس فیچر کو واپس لانے کا مقصد ایپ صارفین کو اپنے دوستوں کی پسند کے بارے میں آگاہی فراہم کرنا بھی ہے۔
اپنے پیغام میں انہوں نے مزید کہا کہ ہم اسے ابتدائی طور پر صرف چند ممالک میں متعارف کروا رہے ہیں، تاہم اسے جلد ہی مزید ممالک میں بھی متعارف کرایا جائے گا۔
news
یوٹیوب کا نیا فیچر: ویڈیوز کو 4 گنا تیز دیکھنے کی سہولت
یو ٹیوب نے اس سے پہلے بھی ایسی سہولت متعارف کرائی ہے، لیکن اب اسے مزید جدید انداز میں پیش کیا جا رہا ہے۔ اس کا مقصد سست رفتار ویڈیوز کو تیز رفتاری سے دیکھنے کی سہولت فراہم کرنا ہے۔
نئے فیچر کے تحت، یو ٹیوب صارفین ویڈیوز کو چار گُنا تیز رفتاری سے دیکھ سکیں گے۔ اس کا طریقہ یہ ہوگا کہ صارفین اس فیچر کو ایڈجسٹ کرتے ہوئے ویڈیو کو 3.15 گُنا تیز رفتاری سے بھی دیکھ سکیں گے۔
پلیٹ فارم پر دیگر نئے فیچرز میں ایک آپشن بھی شامل ہوگا جس کی مدد سے ویڈیوز کو آسانی سے آگے بڑھایا جا سکے گا۔ ‘جمپ آ ہیڈ’ نامی یہ فیچر صارفین کو ایک بٹن دبا کر ویڈیو کو تیزی سے آگے بڑھانے کی سہولت دے گا۔
اس سے پہلے یہ بھی خبر آئی تھی کہ ویڈیو اسٹریمنگ ویب سائٹ نے واٹس ایپ، فیس بک اور انسٹاگرام جیسے اے آئی ٹولز کی آزمائش شروع کر دی ہے، جنہیں جلد ہی متعارف کرایا جائے گا۔
- سیاست8 years ago
نواز شریف منتخب ہوکر دگنی خدمت کریں گے، شہباز کا بلاول کو جواب
- انٹرٹینمنٹ8 years ago
راحت فتح علی خان کی اہلیہ ان کی پروموشن کے معاملات دیکھیں گی
- کھیل8 years ago
پاکستانی کرکٹ ٹیم کے سابق کپتان شاہد آفریدی نے ساتھی کھلاڑی شعیب ملک کی نئی شادی پر ان کیلئے نیک خواہشات کا اظہار کیا۔
- انٹرٹینمنٹ8 years ago
شعیب ملک اور ثنا جاوید کی شادی سے متعلق سوال پر بشریٰ انصاری بھڑک اٹھیں