کنگ شاہ رُخ خان کے بیٹے آریان خان کی ہدایتکاری میں بننے والی نیٹ فلکس سیریز کا اعلان کر دیا گیا ہے۔

بھارتی میڈیا کی رپورٹ کے مطابق آریان خان کی ہدایتکاری میں بننے والی نیٹ فلکس سیریز ’دی با***ڈز آف بالی وڈ‘ کا اعلان ہوا۔ یہ اعلان ’نیکسٹ آن نیٹ فلکس انڈیا 2025‘ ایونٹ میں شاہ رخ خان نے خود ایک مزاحیہ پرومو کے ذریعے کیا۔

اس پرومو میں شاہ رخ مختلف انداز میں اپنے مشہور ڈائیلاگز دہرانے کی کوشش کرتے ہیں، لیکن ہدایتکار بار بار ری ٹیک کا مطالبہ کرتا ہے۔

آخرکار، شاہ رخ غصے میں کہتے ہیں، ’باپ کا راج ہے کیا؟‘ جس پر کیمرہ آریان کی طرف مڑتا ہے اور وہ مسکراتے ہوئے جواب دیتے ہیں، ’ہاں‘۔ اس مزاحیہ تبادلے کے بعد، شاہ رخ خان اپنے بیٹے آریان کی سیریز کا تعارف کراتے ہوئے اسے ’سب سے نرالی، جرات مند اور فلمی ترین کہانی‘ قرار دیتے ہیں۔ پرومو میں شاہ رُخ خان کی مشہور فلم ’جوان‘ کا بھی حوالہ دیا گیا ہے، جہاں آریان اپنے والد کے مشہور مکالمے ’بیٹے پر ہاتھ اٹھانے سے پہلے…‘ کی طرف اشارہ کرتے ہیں۔

شاہ رخ خان نے کہا کہ آریان اور ان کی ٹیم جلد ہی اس منفرد نام کے پیچھے کہانی بھی پیش کریں گے۔

یاد رہے کہ یہ سیریز ریڈ چلیز انٹرٹینمنٹ کے بینر تلے بنائی گئی ہے جس کی پروڈکشن گوری خان کر رہی ہیں۔ اس ایونٹ میں گوری خان اور سہانا خان بھی آریان کی حوصلہ افزائی کے لیے موجود تھیں۔

حیدرآباد: تجربہ کار گلوکار ادت نارائن اپنے رومانوی گانوں کے لیے مشہور ہیں۔ حال ہی میں ان کا ایک لائیو کنسرٹ کی ویڈیو سامنے آئی ہے، جس کے بعد وہ سوشل میڈیا پر تنقید کا نشانہ بن گئے ہیں۔ صارفین مختلف قسم کے تبصرے کر رہے ہیں۔

اس وائرل ویڈیو میں ادت نارائن کو ‘ٹپ ٹپ برسا پانی’ گاتے ہوئے دیکھا جا سکتا ہے، جبکہ خواتین شائقین ان کے ساتھ سیلفیاں لیتے ہوئے نظر آ رہی ہیں۔ ادت نارائن گھٹنوں کے بل بیٹھ کر ان کے ساتھ سیلفی لیتے ہیں اور پھر ان کے گالوں پر بوسہ دیتے ہیں۔

ہجوم کو دیکھ کر سیکیورٹی نے شائقین کو اسٹیج کے قریب آنے سے روکا۔ ایک موقع پر، ادت نے سیکیورٹی کو اشارہ کیا کہ وہ ایک خاتون پرستار کو سیلفی کے لیے اپنے قریب آنے دیں۔

سیلفی لینے کے بعد لڑکی نے ادت کے گال پر بوسہ دیا، جس کے بعد ادت نے خاتون کے ہونٹوں پر بوسہ دیا۔ اس کے بعد حاضرین نے شور مچانا شروع کر دیا۔ ادت نارائن نے ‘ٹپ ٹپ برسا پانی’ کی ایک لائن گاتے ہوئے اپنے جذبات کا اظہار کیا، جس میں کہا گیا – ‘میرے بس میں نہیں میرا من، میں کیا کروں’۔ یہ ویڈیو سوشل میڈیا پر تیزی سے پھیل رہی ہے، اور صارفین اس پر اپنے ردعمل دے رہے ہیں۔