ایس آئی ایف سی کی مدد سے ملک میں مقامی اور غیر ملکی سرمایہ کاری کے فروغ کے لیے ایک جامع منصوبہ بندی کی جا رہی ہے۔

اسپیشل انویسٹمنٹ فیسلٹی کونسل کے تعاون سے پاکستان کی عالمی کاروباری درجہ بندی کو 50 پوائنٹس تک بہتر بنانے کا عزم کیا گیا ہے۔ اس مقصد کے لیے قومی ادارہ برائے عوامی انتظام اور پاکستان ایڈمنسٹریٹو اسٹاف کالج نے صنعتی سرمایہ کاری کو بڑھانے کے لیے ایک مکمل منصوبہ تیار کیا ہے۔

ایس آئی ایف سی کے ’’بزنس فیسلٹیشن سینٹرز‘‘ کو ایک ماڈل کے طور پر استعمال کرتے ہوئے سرمایہ کاری کی سہولت کو بڑھایا جائے گا۔ اس منصوبے کے تحت مقامی اور غیر ملکی سرمایہ کاری کو فروغ دینے کے لیے مشترکہ ورکنگ گروپ تشکیل دینے کا ارادہ ہے۔

اس سلسلے میں قومی ادارہ برائے عوامی انتظام کے افسران صنعتی سرمایہ کاری کو بڑھانے کے لیے مزید تحقیق کر رہے ہیں۔ تحقیقاتی گروپ صنعتی ترقی میں رکاوٹوں کو دور کرنے کے لیے ایک تفصیلی منصوبہ تیار کرے گا۔

اس کے علاوہ، صنعتی منصوبوں کے قیام میں درپیش مسائل کے حل کے لیے ایک نیا ماڈل تیار کرنے کی تیاری بھی جاری ہے۔ ایس آئی ایف سی کے تعاون سے پاکستان کی عالمی کاروباری درجہ بندی کو 50 پوائنٹس تک بہتر کرنے کا عزم ہے اور 5 سال میں صنعتی شعبے میں 20 ارب ڈالر کی غیر ملکی سرمایہ کاری بڑھانے کی حکمت عملی بھی زیر غور ہے۔

ڈیجیٹل تبدیلی کے ذریعے سرمایہ کاری کے عمل کو ہموار اور شفاف بنایا جائے گا۔