news
زلفی بخاری کا انکشاف: القادر ٹرسٹ کیس میں عمران خان کے خلاف گواہی دینے پر دباؤ
پاکستان تحریک انصاف کے بانی چیئرمین عمران خان کے قریبی ساتھی زلفی بخاری نے کہا ہے کہ القادر ٹرسٹ کیس میں سابق وزیراعظم کے خلاف گواہی دینے کے لیے شدید دباؤ ڈالا گیا۔ برطانوی ادارے دی انڈیپنڈنٹ کو دیے گئے انٹرویو میں انہوں نے بتایا کہ مقتدرہ کی جانب سے ہر قسم کی پرکشش ڈیل کی پیشکش کی گئی، جسے میں نے قبول نہیں کیا۔ اس کیس میں نامزد ہر شخص کو عمران خان کے خلاف گواہی دینے کے لیے مختلف ڈیلز کی پیشکش کی گئی، لیکن خوش قسمتی سے نہ میں نے اور نہ ہی کسی اور نے اسے قبول کیا۔
زلفی بخاری نے مزید کہا کہ گرفتاری کے خدشے کی بنا پر عدالت میں پیش ہونے سے انکار کے بعد مجھے کیس میں بطور مدعا علیہ شامل کیا گیا۔ میرے گھر والوں کے اغواء اور ہمارے کاروبار کو تباہ کرنے سے لے کر بینک اکاؤنٹس منجمد کرنے تک مجھ پر دباؤ ڈالنے کے تمام حربے استعمال کیے گئے۔ انہوں نے کہا کہ 190 ملین پاؤنڈ کی رقم سپریم کورٹ میں جمع ہے، جس پر سود بھی حاصل کیا جا رہا ہے، اس لیے یہ سارا بیانیہ بالکل بے بنیاد ہے۔
ان کا کہنا ہے کہ یہ کیس القادر یونیورسٹی کے قیام کے گرد گھومتا ہے، جو اس وقت طلبہ کو تعلیم فراہم کر رہی ہے۔ یہ ایک غیر منافع بخش تنظیم ہے، اور عمران خان اور ان کی اہلیہ اس سے کسی بھی قسم کے مالی فوائد حاصل نہیں کرتے، نہ وہ تنخواہ لیتے ہیں اور نہ ہی کوئی معاوضہ لیا جاتا ہے۔ یہ اس وقت مکمل طور پر غیر منافع بخش ہے۔
آئی ایس پی آر
راولپنڈی، 14 اپریل 2025:
پاکستان اور مراکش کی افواج کے مابین انسداد دہشت گردی کے شعبے میں تیسری پاک – مراکش دوطرفہ مشترکہ فوجی مشق 2025 کی افتتاحی تقریب اسپیشل آپریشنز اسکول، چک رٹ میں منعقد ہوئی۔ اس مشق میں پاک فوج کے اسپیشل سروسز گروپ (ایس ایس جی) اور مراکش کی افواج کے اسپیشل فورسز کے دستے شریک ہیں۔
افتتاحی تقریب کے مہمانِ خصوصی اسپیشل آپریشنز اسکول چک رٹ کے کمانڈنٹ تھے۔
اس مشترکہ مشق کا مقصد باہمی تربیت کے ذریعے پیشہ ورانہ صلاحیتوں کو نکھارنا اور دونوں دوست ممالک کے درمیان تاریخی عسکری تعلقات کو فروغ دینا ہے۔ شریک افواج ایک دوسرے کے تجربات اور مہارت سے استفادہ حاصل کرنے کے لیے پُرعزم ہیں۔
اسپیس ایکس نے بہتر انٹرنیٹ کی فراہمی کے لیے سیٹلائٹس کی ایک نئی کھیپ خلا میں بھیج دی ہے۔
یہ مشہور کمپنی فلوریڈا کے کیپ کیناویرل اسپیس فورس اسٹیشن سے پیر کی صبح 27 اسٹار لنک سیٹلائٹس کے ساتھ بھرے فالکن 9 راکٹ کو لانچ کرنے میں کامیاب رہی۔
راکٹ نے دوپہر 12 بجے ای ڈی ٹی پر خلائی لانچ کمپلیکس 40 سے اڑان بھری۔
اس مشن کا مقصد یہ ہے کہ 27 اسٹار لنک سیٹلائٹس کو کم زمین کے مدار میں رکھا جائے تاکہ وہ دنیا بھر میں تیز رفتار اور کم تاخیر والا انٹرنیٹ فراہم کر سکیں۔
پہلے مرحلے کا بوسٹر اپنی 27 ویں پرواز کے بعد زمین پر واپس آیا، جہاں یہ جسٹ ریڈ دی انسٹرکشنز نامی ڈرون شپ پر اترا، جو بحر اوقیانوس میں واقع ہے۔
سیاست8 years agoنواز شریف منتخب ہوکر دگنی خدمت کریں گے، شہباز کا بلاول کو جواب
- انٹرٹینمنٹ8 years ago
راحت فتح علی خان کی اہلیہ ان کی پروموشن کے معاملات دیکھیں گی
- انٹرٹینمنٹ8 years ago
شعیب ملک اور ثنا جاوید کی شادی سے متعلق سوال پر بشریٰ انصاری بھڑک اٹھیں
- کھیل8 years ago
پاکستانی کرکٹ ٹیم کے سابق کپتان شاہد آفریدی نے ساتھی کھلاڑی شعیب ملک کی نئی شادی پر ان کیلئے نیک خواہشات کا اظہار کیا۔
